BST-04 విధానమైన దోషనిర్ణయాలు

1997లో స్థాపించబడిన థర్డ్ మిలీనియం మినిస్ట్రీస్ ఒక లాభాపేక్షలేని ఇవాంజెలికల్ క్రైస్తవ పరిచర్యగా లోకమునకు ఉచితముగా బైబిలు సంబంధమైన విద్యను అందించుటకు ప్రతిష్టింపబడింది.

బైబిలు విద్య. లోకము కొరకు. ఉచితముగా.

ప్రపంచవ్యాప్తముగా పరిచర్య కొరకు తగిన తర్ఫీదులేని కొన్ని వందల వేల మంది క్రైస్తవ నాయకులకు ఉచిత క్రైస్తవ విద్యను అందించుట మా లక్ష్యమైయున్నది. ఆంగ్లము, అరబిక్, మాండరిన్, రష్యన్, మరియు స్పానిష్ భాషలలో సాటిలేని మల్టీమీడియా సెమినారిని సిద్ధపరచి, విశ్వవ్యాప్తముగా పంచిపెట్టుట ద్వారా మేము ఈ లక్ష్యమును చేధించుచున్నాము. మా పరిచర్య భాగస్వాముల ద్వారా మా పాఠ్యాంశములు ఒక డజను కంటే ఎక్కువ భాషలలో ప్రస్తుతము అనువదించబడుచున్నాయి. ఈ పాఠ్యాంశములలో చిత్రములతో కూడిన వీడియోలు, ముద్రించబడిన ఉపదేశములు, మరియు ఇంటర్నెట్ వనరులు ఉన్నాయి. పాటశాలలు, సమూహములు, మరియు వ్యక్తులు ఆన్లైన్ లో మరియు అధ్యయనము చేయు సమాజములలో ఉపయోగించుటకు అనుగుణంగా ఇవి రూపొందించబడినవి.

అనేక సంవత్సరాలుగా, అవార్డులు సంపాదించిన అత్యుత్తమమైన విషయములు మరియు నాణ్యతగల మల్టీమీడియా పాఠములను ఉత్పత్తి చేయుటకు తగుమాత్రపు ఖర్చుతో కూడిన పద్ధతిని మేము అభివృద్ధి చేశాము. మా రచయితలు మరియు సంపాదకులు వేదాంతవిద్యలో తర్ఫీదు పొందిన విద్యావేత్తలు, మా అనువాదకులు వేదాంత ప్రావీణ్యతకలిగి తాము అనువదించు భాషలలో మాతృభాషా నైపుణ్యత కలిగియున్నవారు, మరియు మా పాఠములు లోకవ్యాప్తముగా అనేక సెమినారీలలో బోధించు వందలమంది గౌరవనీయులైన అధ్యాపకులు మరియు కాపరుల యొక్క మెళకువలను కలిగియున్నాయి. ఇంతేగాక, మా గ్రాఫిక్ డిజైనర్లు, ఉదాహరణలను ఇచ్చువారు, మరియు ప్రొడ్యుసర్లు అద్భుతమైన పరికరములను మరియు టెక్నిక్లను ఉపయోగించి ఉన్నతమైన ప్రమాణములతో పనిచేస్తారు.

మా డిస్ట్రిబ్యూషన్ లక్ష్యములను చేధించుటకు, సంఘములతో, సెమినారీలతో, బైబిల్ కళాశాలలతో, మిషనరీలతో, క్రైస్తవ బ్రాడ్కాస్టర్లతో, శాటిలైట్ టెలివిజన్ వారితో, మరియు ఇతర సంస్థలతో థర్డ్ మిలీనియం వ్యూహాత్మక భాగస్వామ్యములను కలిగియున్నది. ఈ భాగస్వామ్యములు ఇప్పటికే లెక్కలేనన్ని వీడియో పాఠములను స్థానిక నయాకులు, కాపరులు, మరియు సెమినరీ విద్యార్థులకు పంచుటకు కారణమైయ్యాయి. మా వెబ్సైటులు కూడా డిస్ట్రిబ్యూషన్ కు మాధ్యమాలుగా ఉండి, మా పాఠములతో పాటుగా సహాయకరముగా ఉండుటకు అదనపు వనరులను కూడా అందించుచున్నవి. ఉదాహరణకు, మీ సొంత అధ్యయన సమాజమును ఆరంభించుటను గూర్చిన వనరులు.

బహుశ మీరు నావంటి వారై ఉండవచ్చు. “సిద్ధాంతం” అనే పదము అంతగా భావార్థకంగా భావింపబడని సంఘములో నేను పెరిగాను. సిద్ధాంతాలు అంటే బైబిలుయందు విశ్వసించడమునకు బదులుగా ప్రజలు నమ్మునవి. కాబట్టి, క్రమబద్ధ వేదాంతశాస్త్రము ఆ సిద్ధాంతముపై ఈ సిద్ధాంతముపై దృష్టిపెడుతుంది అని నేను నేర్చుకున్నప్పుడు, నేను వెనక్కి మళ్లాను. ఒక క్రీస్తు అనుచరుడు బైబిలుకు బదులుగా సిద్ధాంతములను ఎందుకు నేర్చుకోవాలనుకుంటాడు? అయితే క్రమబద్ధ వేదాంతశాస్త్రములో, సిద్ధాంతములు అనునవి బైబిలునకు బదులుగా ఉన్నవి కావు. కానీ, బైబిలు ఏమి బోధిస్తుందని మనం నమ్ముతున్నామో వాటిని సారాంశపరచే సుళువైన మార్గాలు మాత్రమే. ఇట్లుండగా, మంచివైన సిద్ధాంతములకు క్రైస్తవ వేదాంతశాస్త్రములో చాలా ప్రాముఖ్యమైన స్థానం ఉంది.

క్రమబద్ధమైన వేదాంత శాస్త్రమును నిర్మించుట అను మన పాఠ్యక్రమములో ఇది నాలుగవ పాఠము. ఈ పాఠమునకు మేము “క్రమబద్ధతలలో సిద్ధాంతములు” అని పేరు పెట్టాము, ఎందుకంటే క్రమబద్ధమైన వేదాంతశాస్త్ర నిర్మాణమునకు అనేకమైన అంశాలపై సిద్ధాంతములను మరియు బోధలను రూపొందించడం ఉంటుంది అను విషయములోని పలు విధానాలను మనం చూస్తాం.

మన పాఠము మూడు ప్రధాన భాగములుగా విభజించబడుతుంది. క్రమబద్ధతలలోని సిద్ధాంతముల పట్ల ఒక సాధారణ ధోరణితో మనము మొదలెడతాము. అవి ఏవి? క్రమబద్ధ వేదాంతశాస్త్రములో వాటి స్థానము ఏంటి? రెండవదిగా, సిద్ధాంతముల ఏర్పాటును మనము అన్వేషిస్తాము. తమ తమ సైద్ధాంతిక చర్చలను వేదాంత పండితులు ఎలా సృష్టిస్తారు? మరియు మూడవదిగా, క్రమబద్ధ వేదాంతశాస్త్రములో సిద్ధాంతముల విలువలను మరియు ప్రమాదాలను అన్వేషిస్తాము. ఎట్టి ప్రయోజనాలను మరియు నష్టాలను అవి మనకు అందిస్తున్నాయి? మన అంశము పట్ల సాధారణ ధోరణితో మొదలుపెడదాము.

క్రమబద్ధతలలోని సిద్ధాంతముల పట్ల గల మన ధోరణి నాలుగు అంశములను స్పృశిస్తుంది. మొదటిది, మన అర్థమునకు నిర్వచనం ఇస్తాము. రెండవది, సిద్ధాంతములను సృష్టించడములోని చట్టబద్ధతపై దృష్టిస్తాము. మూడవది, క్రమబద్ధతలలోని సిద్ధాంతముల యొక్క లక్ష్యములను చూస్తాము. నాల్గవది, క్రమబద్ధ వేదాంతశాస్త్రములో సిద్ధాంతములు కలిగియున్న స్థానమును వివరించుదము. క్రమబద్ధతలలోని సిద్ధాంతములను గూర్చి మనము ఏమి అనుకుంటున్నామో మొదటిగా చూద్దాము.

ఒక సుళువైన నిర్వచనముతో మనము మొదలు పెట్టుదాము. “సిద్ధాంతము” అనే మాట వేదాంతశాస్త్రములో ప్రతిఒక్కరిని సంతృప్తిపరచే ఒక నిర్వచనమును ఇవ్వడం కష్టం అనునన్ని విధాలుగా ప్రయోగించబడినది. కాని మన ఉద్దేశముల కొరకు, క్రమబద్ధ వేదాంతశాస్త్రములో సిద్ధాంతమును ఈ క్రింది విధముగా నిర్వచించవచ్చు.

ఒక వేదాంతపరమైన అంశముపై బైబిలు బోధల యొక్క సమన్వయము మరియు వివరణయే సిద్ధాంతము.

సిద్ధాంతములను గూర్చి ఈ పాఠములో మనము మాట్లాడునప్పుడు మనము ఏమి అనుకుంటున్నామో అనేదానిపై మూడు కోణములను గూర్చి ఈ నిర్వచనము సూచిస్తుంది. మొదటిది, సిద్ధాంతములు వేదాంతపరమైన అంశములను కలిగియుంటాయి; రెండవది, అవి బైబిలులోని బోధలను సమన్వయపరుస్తాయి; మరియు మూడవది, అవి బైబిలులోని బోధలను వివరిస్తాయి.

సైద్ధాంతిక ప్రకటనలు వేదాంతపరమైన అంశములను ఎలా దృష్టిస్తాయో అనేదానితో ప్రారంభిస్తూ, అవి బైబిలులోని బోధలను సమన్వయపరుస్తాయి అనే సత్యమును చర్చించి, అటుతరువాత లేఖనములోని బోధలను అవి వివరించు విధానమును పరిశీలిస్తూ మన నిర్వచనములోని ఒక్కొక్క కోణమును చూద్దాము.

వేదాంతశాస్త్రము లెక్కలేనన్ని అంశములను కలిగియుండే సుదీర్ఘమైన అధ్యయన రంగమని ఇప్పటికే మనము గమనించి ఉండాలి. అది రాత్రియందలి ఆకాశములో ఉండే విస్తారమైన విశాలతలతో పోల్చగలిగినంత విస్తృతమైనది. వేదాంతశాస్త్రము యొక్క శుద్ధమైన పరిమాణము మరియు సంక్లిష్టత దానిని అస్తవ్యస్తమైనదిగాను మరియు యాదృచ్చికంగాను పరిగణించులాగున మనలను శోధిస్తుంది. అయినప్పటికీ, రాత్రియందలి ఆకాశమును అధ్యయనం చేయుటకు వ్యోమగాములు దానిని విభజించునట్లుగానే, వేదాంతశాస్త్రమును కూడా అనేక అంశాలుగా విభాగించుట ఉపయోగకరంగా ఉన్నదని క్రమబద్ధ వేదాంత పండితులు కనుగొన్నారు.

మధ్యయుగము నుండే క్రమబద్ధ వేదాంతశాస్త్రమును అయిదు లేదా ఆరు ప్రధాన ప్రదేశాలుగా విభజించాలనే బలమైన ఆశయము ఉండినట్లుగా ఈ శీర్షికలలో మనం చూసాము: బైబిలుపై దృష్టించునట్టి పరిశుద్ధగ్రంథ సిద్ధాంతము; స్వయానా దేవునిపైనే దృష్టించునట్టి దేవునిని గూర్చిన వేదాంతశాస్త్రము; మానవాళిపైగల వేదాంత దృక్పథములను గూర్చి మాట్లాడు మానవశాస్త్రము; రక్షణను అంశముగా కలిగియున్న రక్షణశాస్త్రము; సంఘముపై దృష్టించునట్టి సంఘశాస్త్రము; మరియు అంత్యదినముల విషయయములను గూర్చిన రాకడ శాస్త్రము. ఈ పాఠములో, “సిద్ధాంతము” అనే పదము పైన ఇవ్వబడిన విశాలమైన అంశములలో ఏదో ఒక దానిని గూర్చిన ప్రకటన లేదా వివరణను కలిగియుంటుంది.

కాని మనకు తెలిసినట్లుగా, సిద్ధాంతముల యొక్క ఇవి మరియు ఇతర విశాల విభాగాలు ఇంకా చిన్న చిన్న అంశములుగా కూడా విభాగింపబడగలవు. ఉదాహరణకు, దేవునిని గూర్చిన వేదాంతశాస్త్రమును తీసుకుందాం. దేవునిని గూర్చిన వేదాంతశాస్త్రములో క్రీస్తుశాస్త్రము ఒక భాగముగా ఉంది. అది క్రీస్తు యొక్క వ్యక్తిత్వమును మరియు క్రియలను గూర్చి మాట్లాడుతుంది. మరియు క్రీస్తు యొక్క వ్యక్తిత్వం మానవ మరియు దైవిక స్వభావములుగా కూడా విభజించబడుతుంది. మరియు ఆయన మానవ స్వభావములో తన శరీరము, ప్రాణము మొదలగునవి ఉన్నాయి.

క్రమబద్ధ వేదాంతశాస్త్రములోని ప్రతియొక్క ప్రధాన సిద్ధాంతము చిన్నచిన్న అంశములుగా విభజింపబడుతుంది. కాని చాలా వరకు, ఈ పాఠములో “సిద్ధాంతము” అనే పదమును క్రమబద్ధ వేదాంతశాస్త్రములో చాలా గణనీయమైన పరిమాణములో ఉండే అంశములపై చర్చకే పరిమితము చేస్తాము. వేదాంతశాస్త్రములోని ఏ స్థాయిలోనైనా, అది పెద్దది కావచ్చు లేదా చిన్నది కావచ్చు, కొంతమేర వేదాంత చర్చ ఉంటుంది అని తెలుసుకొని మనము కొంత అనువుగా ఉండాలి.

వేదాంతపరమైన అంశములను దృష్టించడం మాత్రమే కాక, క్రమబద్ధ వేదాంతశాస్త్రములో సైద్ధాంతిక చర్చలు బైబిలు బోధలను ఒకదానితోనొకటి అనుబంధ పరుస్తూ సమన్వయపరుస్తాయి.

మునుపటి పాఠములో క్రమబద్ధతలను మనము ఒక వృక్షముతో పోల్చాము. భూమిలో నుండి వృక్షము మొలస్తుంది, కానీ అది మొలచిన ఆ మట్టి నుండి చాలా భిన్నంగా అగుపడుతుంది. అదే విధంగా, క్రమబద్ధతలలోని సైద్ధాంతిక చర్చలు లేఖనముల నుండి పెరుగుతాయి, కానీ లేఖనముల నుండి అవి చాలా భిన్నంగా అగుపడతాయి.

బైబిలుకంటే సిద్ధాంతములు భిన్నంగా కనిపించడానికి గల కారణములలో ఒకటి అవి కృత్రిమమైనవి. ఏకకాలములో ఒకే అంశముపై దృష్టించడానికి బదులు, సిద్ధాంతములు అనేక లేఖనముల బోధలను సాధారణంగా వ్యక్తపరుస్తాయి.

ఒక సుళువైన ఉదాహరణను మనం చూద్దాం. అపొస్తలుల విశ్వాస ప్రమాణము అని పిలువబడే ఒక సైద్ధాంతిక రూపకల్పనను చూడండి. క్రీస్తు అనుచరులముగా మనము దృఢపరుస్తున్న కొన్ని అత్యంత ప్రధానమైన సిద్ధాంతాలను లేదా బోధలను అది సారాంశపరుస్తుంది. “ప్రాథమిక క్రైస్తవ విశ్వాసాలు” అనే అంశముపై అది దృష్టిస్తుంది అని చెప్పడం తగినదే. అది ఏమి చెప్తుందో మీకు తెలుసా:

పరలోక భూలోకముల సృష్టికర్తయగు తండ్రియైన దేవుని నేను నమ్ముచున్నాను. ఆయన అద్వితీయ కుమారుడును మన ప్రభువైన యేసు క్రీస్తును నమ్ముచున్నాను. ఈయన పరిశుద్ధాత్మ వలన కన్యయగు మరియ గర్భమున ధరింపబడి ఆమెకు పుట్టెను. పొంతు పిలాతు కాలమందు బాధపడి, సిలువవేయబడి, చనిపోయి, పాతిపెట్టబడి అదృశ్యలోకములోనికి దిగెను. మూడవ దినమున చనిపోయినవారిలో నుండి తిరిగిలేచి, పరలోకమునకెక్కి సర్వశక్తిగల తండ్రియైన దేవుని కుడిచేతి వైపున కూర్చుండియున్నాడు, సజీవులకును మృతులకును తీర్పు తీర్చుటకు అక్కడ నుండి ఆయన వచ్చును. పరిశుద్ధాత్మను నమ్ముచున్నాను. పరిశుద్ధ సార్వత్రిక సంఘమును పరిశుద్ధుల సహవాసమును పాపక్షమాపణను శరీర పునరుత్థానమును నిత్యజీవమును నమ్ముచున్నాను. ఆమేన్.

క్రైస్తవ నమ్మకముల ఈ చారిత్రిక వ్యక్తీకరణ బైబిలుతో ఎలా సరితూగుతుందో గమనించండి. ఒక మాటలో, ఈ సూత్రము బైబిలు నుండి చాలా భిన్నంగా కనిపిస్తుంది. సరాసరి ఇదే మాటలను లేఖనములు ఎక్కడా కలిగియుండలేదు. ఈ ఆలోచనల జాబితాతో క్రైస్తవ నమ్మకాలను అది సారాంశపరచనూ లేదు, లేదా ఒకే స్థానములో ఈ వివిధ అంశాలను కూడా ఒకటిగా చేర్చలేదు.

అయినప్పటికీ, ఈ అపొస్తలుల విశ్వాస ప్రమాణము బైబిలానుసారమైనదే, ఎందుకనగా బైబిలులోని వివిధ భాగాలను సరిగా ప్రతిబింబించేదిగా ఇది ఉంది. ఈ సూత్రము యొక్క ఆఖరు మాటలను గూర్చి ఆలోచించండి:

పాపక్షమాపణను శరీర పునరుత్థానమును నిత్యజీవమును నమ్ముచున్నాను.

బైబిలులోని ఏ ఒక్క వచనము లేదా వచనముల సమితి కూడా ఈ బోధలన్నిటినీ కలిగి లేదు. అయినప్పటికీ, ఈ బోధలన్నియు బైబిలులోని వివిధ స్థలాలలో కనుగొనబడగలవు. క్రైస్తవులముగా మనము దేనిని నమ్మున్నామో ఒక సైద్ధాంతిక సారాంశంగా ఈ నమ్మకములన్నిటిని ఈ అపొస్తలుల విశ్వాస ప్రమాణము సమన్వయపరుస్తుంది.

మన నిర్వచనములోని మూడవ కోణము ఏమనగా, ఒక అంశమును గూర్చి బైబిలు ఏమి బోధిస్తుందో వాటిని సిద్ధాంతాలు వివరిస్తాయి. ఈ వివరణలు వేదాంతపరమైన ప్రతిపాదనలుగా సమాచారమును సంకలనము చేయునంత సుళువుగాను, లేదా సంక్లిష్టమైన వేదాంతముల బోధకు ఒక దీర్ఘమైన ప్రతివాదనలుగాను ఉంటాయి.

సైద్ధాంతిక చర్చలు కొనసాగుతుండగా వాటి వివరణాత్మక లక్షణమును గూర్చి ఆలోచించుటకు కూడా ఇది మనకు దోహదపడుతుంది. ఒక ప్రక్క, చాలా క్లుప్త వివరణతో బైబిలు బోధ యొక్క మామూలు ప్రకటనలు మనకు ఉన్నాయి. మధ్యభాగంలో మధ్యస్థ స్థాయి వివరణగల కొన్ని చర్చలు మనము కనుగొంటాము. మరియు వర్ణమాలకు వేరొక ప్రక్క, కొన్ని సైద్ధాంతిక చర్చలు సుదీర్ఘమైన వివరణను అందిస్తున్నాయి. ఒక అంశమును గూర్చి చాలా తక్కువగా చెప్పే సైద్ధాంతిక ప్రకటనా ఉదాహరణను ఒకదానిని మనం చూద్దాము.

అపొస్తలుల విశ్వాస ప్రమాణము దాదాపు ఏమాత్రపు వివరణలను కూడా ఇవ్వలేనంత విపరీతతను సూచిస్తుంది. ఉదాహరణకు, తండ్రియైన దేవుని గూర్చి అది చెప్పు ఏకైక విషయం ఆయన సర్వశక్తిగలవాడు, మరియు భూమ్యాకాశములను సృజించినవాడని మాత్రమే. తండ్రియందు విశ్వసించడం అనగా ఏమిటో ఈ అర్హతలు చాలా తక్కువగానే చెప్తున్నాయిగాని ఎక్కువగా చెప్పడం లేదు. కుమారుని గూర్చి మరింత అధికంగా ఈ సూత్రం చెప్తుంది. అయితే పరిశుద్ధాత్మును గురించి, అపొస్తలుల విశ్వాస ప్రమాణము కేవలము, “పరిశుద్ధాత్మను నేను నమ్ముచున్నాను,” మరియు “పరిశుద్ధాత్మచే క్రీస్తు గర్భము దాల్చబడ్డాడు” అని మాత్రమే చెప్తుంది, కానీ ఇంకా ఏమీ చెప్పుటలేదు. చాలా తరచుగా సిద్ధాంతాలు ఈ విధంగా సుళువైన విధానాలలో చెప్పబడతాయి. సంఘ జీవితములో అట్టి సాధారణ ప్రకటనలకు చాలా భావార్థకమైన ప్రయోజనాలు ఉంటాయి, కాని సిద్ధాంతాలు కేవలము ఈ విధముగా మాత్రమే ఉండవు.

వర్ణమాలకు మధ్యలో మధ్యస్థ స్థాయి వివరణగల సైద్ధాంతిక వివరణలు ఉన్నాయి. ఉదాహరణకు, అధికమైన ప్రొటెస్టెంట్ హితోపదేశములు మరియు ఒప్పుకోళ్లు వేదాంత అంశాలను ఇలానే పరిగణిస్తాయి.

త్రిత్వమును గూర్చిన సిద్ధాంతమును కేవలం కొన్ని వాక్యాలలోనే అపొస్తలుల విశ్వాస ప్రమాణము ఎలా పరిగణిస్తుందో ఇప్పటికే మనము చూసాము. కాని పోల్చుట ద్వారా (1563లో వ్రాయబడిన) హైడెల్ బర్గ్ కేటకిజం త్రిత్వమును గూర్చిన దాని వివరణలో ఎంత విపులంగా ఉందో చూడండి. ప్రారంభించుటకు, 23వ ప్రశ్నోత్తరంలో, హైడెల్ బర్గ్ కాటెకిజం వాస్తవంగా ఈ అపొస్తలుల విశ్వాస ప్రమాణము మొత్తాన్ని ఉల్లేఖిస్తుంది. కానీ ప్రమాణములోని ఈ ఉల్లేఖనము తరువాత త్రిత్వము మీద దృష్టిపెట్టు 31 అదనపు ప్రశ్నలు మరియు జవాబులు ఉన్నాయి. ఉదాహరణకు, 26వ ప్రశ్నలో ఈ విధంగా అడుగబడింది:

“సర్వశక్తుడైన, భూమ్యాకాశములను సృజించిన తండ్రియైన దేవుని నేను నమ్ముచున్నాను” అన్నప్పుడు నీ అర్థము ఏమిటి?

మరియు నిజానికి, ఇది అపొస్తలుల విశ్వాస ప్రమాణములోని ఆరంభ మాటలను సూచిస్తుంది. మరియు 26వ ప్రశ్నలో ఇవ్వబడిన జవాబు యొక్క వివరణ ఈ విధంగా ఉంది:

మన ప్రభువైన యేసుక్రీస్తు యొక్క నిత్యుడగు తండ్రి, శూన్యము నుండి భూమ్యాకాశములను సృష్టించిన వాడును, తన నిత్యమైన ఆలోచన మరియు పోషణ ద్వారా వాటిని ఎత్తిపట్టుకొనుచు పాలించువాడైన, ఆయన నా దేవుడు మరియు తన కుమారుడైన క్రీస్తును బట్టి నా తండ్రి. నా ప్రాణాత్మలకు అవసరమగునవన్నీ ఆయన సమకూర్చగలడనుటలో ఆయనను సందేహించనంతగా ఆయనయందు నమ్మికయుంచుచున్నాను, మరియు ఈ విచారకరమైన లోకములో ఆయన పంపించు యే కీడునైనను నాకు మంచి జరుగునట్లుగానే ఆయన మార్చగలడు అని నమ్ముచున్నాను. ఆయన సర్వశక్తిగల దేవుడు గనుక ఆయన ఇలా చేయుటకు సమర్థుడు; ఆయన విశ్వసనీయతగల తండ్రి గనుక ఈ విధంగా చేయుటకు ఆయన ఆశించుచున్నాడు.

తండ్రిని నమ్ముట అంటే ఏమిటో తెలిపే ఈ వివరణ అపొస్తలుల విశ్వాస ప్రమాణము నందు మనము కనుగొనే ఏకవాక్య వివరణ కంటే మరింత సంపూర్ణంగా ఉంది.

కాగా ఈ వర్ణమాలకు మరొక చివరలో సుదీర్ఘమైన వివరణగల సైద్ధాంతిక చర్చలు ఉన్నాయి. చాలా తరచుగా మరింత సుదీర్ఘమైన వివరణలైన ఇవి కూడా వేదాంత దృక్పథాలకు విశాలమైన ఆధారాలను ఇస్తూ, ఈ ఆలోచనపై లేదా ఆ ఆలోచనపై వాదిస్తుంటాయి.

చాలా వరకు, క్రమబద్ధ వేదాంతశాస్త్రములోని అధికారిక రచనలన్నీ కూడా ఇదే కోవకు చెందినవిగా ఉంటాయి. పరిపూర్ణమైన క్రమబద్ధ వేదాంతశాస్త్రములు తరచు సూత్రములలో, హితోపదేశములలో మరియు ఒప్పుకోళ్లలో ఉన్న ప్రతి విషయాన్ని కలిగి ఉంటాయి, మరియు వాటికి ఎన్నో వివరణాత్మక విషయాలను కూడా జోడిస్తుంటాయి.

ఉదాహరణకు, అపొస్తలుల విశ్వాస ప్రమాణములో త్రిత్వమును గూర్చిన సిద్ధాంతమునకు కేవలం కొన్ని వాక్యాలు మాత్రమే కేటాయించబడియుండగా, హైడెల్ బర్గ్ కేటకిజం మాత్రం దానికి 31 ప్రశ్నోత్తరాలను కేటాయించారు, తన సిస్టమాటిక్ థియోలజీలో చార్లెస్ హాడ్జ్ ఈ సిద్ధాంతమునకు నాలుగు అధ్యాయాలు కేటాయిస్తుంది, మరియు ఈ అధ్యాయాలు 200 పేజీలలో వ్యాపించి ఉన్నాయి. సిద్ధాంతముల సుదీర్ఘ వివరణలు అధికారిక క్రమబద్ధ వేదాంత శాస్త్రములకు లక్షణాలు.

కాబట్టి, క్రమబద్ధ వేదాంతశాస్త్రములో సిద్ధాంతములను గూర్చిన అంశమును మనము అధ్యయనం చేయునప్పుడు, వివరణలలోని అనేక స్థాయిలను పరిగణించుచున్నామని గ్రహించాలి; వేదాంతపరమైన అంశాలపై బైబిలు బోధలను సిద్ధాంతాలు వివిధ స్థాయిలలో వివరిస్తాయి.

క్రమబద్ధ వేదాంతశాస్త్రములో సిద్ధాంతములను గూర్చి మనము మాట్లాడునప్పుడు మనము ఏమి భావిస్తున్నామో అనుదాని గూర్చి కొంత చూసాము గనుక, ఈ అంశము పట్ల మన ధోరణిలోని రెండవ భావము వైపు మనము తిరగాలి. సిద్ధాంతములను సృష్టించడమును మనమెలా ఆమోదించవచ్చు? ఈ విధానాలలో బైబిలు బోధలను సమన్వయపరచి వివరించుట అనేది చట్టబద్ధమే అని వేదాంత పండితులు ఎందుకు భావిస్తున్నారు?

సిద్ధాంతములను ధృవపరచుటను అనేక క్రైస్తవ సంఘములు ఎదిరిస్తున్నాయి గనుక ఇవి ప్రాముఖ్యమైన ప్రశ్నలుగా ఉన్నాయి. “సూత్రము వద్దు క్రీస్తే ముద్దు,” “బైబిలే గాని మాకు ఎట్టి సిద్ధాంతాలు అవసరం లేదు” అనునటువంటి నినాదాలు మీరు వినే ఉంటారు. కాగా, ఈ భావనల వెనుక గల ఉద్దేశాలు లేఖనమును గూర్చిన ఉన్నత ఆలోచనను ప్రతిబింబిస్తున్నాయి గనుక వాటిని మనం మెచ్చుకోవచ్చు. కాబట్టి, క్రమబద్ధ వేదాంత పండితులు బైబిలు బోధలను ఉన్నవి ఉన్నట్లుగానే ఎందుకు విడిచిపెట్టరు? బైబిలు బోధలను అంశాలుగా విభజించి, ఆ అంశములను గూర్చి బైబిలు చెప్తున్న సంగతులను ఎందుకు వారు సమన్వయపరచి వివరిస్తున్నారు?

బైబిలులోని పాత్రలు ఈ ప్రయోగమును మనకు ఇచ్చిన విషయం సిద్ధాంతములను సృష్టించుటకు బలమైన కారణాలలో ఒకటిగా ఉంది. సిద్ధాంతములను బైబిలులోని పాత్రలు చర్చిస్తున్న కేవలం రెండు ఉదాహరణలను మాత్రమే మనము చూద్దాము. మొదటిగా, యేసు యొక్క మాదిరిని మనం చూద్దాం, మరియు రెండవదిగా అపొస్తలుడైన పౌలు యొక్క ఉదాహరణను చూద్దాం. బైబిలు బోధలలోని అంశాల సమన్వయాన్ని మరియు వివరణను గూర్చి యేసు ఇచ్చిన సందర్భాన్ని మనం మొదటగా చూద్దాం.

ఉదాహరణకు, గొప్ప ఆజ్ఞను గూర్చి యేసుని ప్రశ్నించిన ఉదంతాన్ని ఒకసారి పరిశీలిద్దాం. మత్తయి 22:35-40 నుండి ఈ మాటలను వినండి:

వారిలో ఒక ధర్మశాస్త్రోపదేశకుడు ఆయనను శోధించుచు బోధకుడా, ధర్మశాస్త్రములో ముఖ్యమైన ఆజ్ఞ ఏదని అడిగెను. అందుకాయన నీ పూర్ణహృదయముతోను నీ పూర్ణాత్మతోను నీ పూర్ణమనస్సుతోను నీ దేవుడైన ప్రభువును ప్రేమింపవలెననునదియే. ఇది ముఖ్యమైనదియు మొదటిదియునైన ఆజ్ఞ. నిన్నువలె నీ పొరుగువాని ప్రేమింపవలెనను రెండవ ఆజ్ఞయు దానివంటిదే. ఈ రెండు ఆజ్ఞలు ధర్మశాస్త్రమంతటికిని ప్రవక్తలకును ఆధారమైయున్నవని అతనితో చెప్పెను (మత్తయి 22:35-40).

మనము చూడబోతున్నట్లుగా, ఇక్కడ యేసు ఏమైతే చేసాడో దానిలో వేదాంతపరమైన సిద్ధాంతమునకు మనము ఇచ్చిన నిర్వచనములోని అన్ని ధాతువులు ఉన్నాయి.

మొదటిగా, ఈ వాక్యభాగము ఒక వేదాంతపరమైన అంశముపై దృష్టిస్తుంది. ఒక పరిసయ్యుడు ఒక ప్రశ్నతో యేసును ఎదుర్కొన్నాడు. “ప్రభువా, ధర్మశాస్త్రములో ముఖ్యమైన ఆజ్ఞ ఏది?” యేసు కాలములో వేదాంత పండితులు తమతమ ఆలోచనలను ఆకళింపుచేసుకొన్న విధానము నుండి ఈ ప్రశ్న తలెత్తుతుంది. ఈ ప్రశ్నకు సూటిగా జవాబు ఇచ్చునటువంటి పాతనిబంధన పుస్తకమైనను, అధ్యాయమైనను, వాక్యభాగమైనను, లేదా ఆఖరుకు ఒక వచనమైననూ లేదు. కాబట్టి, ఒకవిధంగా చూస్తే, క్రమబద్ధ వేదాంతశాస్త్రములో మనము ఎదుర్కొనునటువంటి అంశములను పోలిన ఒక అంశమువంటి వేదాంతపరమైన అంశమునే ఇక్కడి పరిసయ్యుడు లేవనెత్తాడు.

రెండవదిగా, రెండు బైబిలు వాక్యభాగములను సమన్వయపరచుట ద్వారా యేసు స్పందించాడు. ఆయన కేవలం ఒక బైబిలు వాక్యభాగమును మాత్రమే ఉల్లేఖనము చేసి అంతటితో విడిచిపెట్టలేదు. కానీ, పాత నిబంధన నుండి రెండు వచనములను ఒకచోటికి తెచ్చాడు: ద్వితీయోపదేశకాండము 6:5 మరియు లేవీయకాండము 19:18. ఒకప్రక్క, ఆయన ద్వితీయోపదేశకాండము 6:5ను ఉల్లేఖనపరుస్తూ, “నీ పూర్ణహృదయముతోను నీ పూర్ణాత్మతోను నీ పూర్ణశక్తితోను నీ దేవుడైన యెహోవాను ప్రేమింపవలెను” అన్నాడు. మరియు ఆయన లేవీయకాండము 19:18ను ఉల్లేఖనపరుస్తూ “నిన్నువలే నీ పొరుగువానిని ప్రేమింపవలెను” అన్నాడు. క్రమబద్ధ వేదాంత పండితుల వలెనే యేసు కూడా గొప్ప ఆజ్ఞను గూర్చిన సైద్ధాంతిక చర్చలో వివిధ బైబిలు వాక్యభాగములను సమన్వయపరచాడు.

మూడవదిగా, ఈ అంశంపై ఆయనకుగల ఆలోచనలను యేసు వివరించాడు. “ఇది ముఖ్యమైనదియు మొదటిదియునైన ఆజ్ఞ, రెండవ ఆజ్ఞయు దానివంటిదే” అని ఆయన చెప్పినప్పుడు ఈ ఆజ్ఞలకు గల ప్రాధాన్యతలను ఆయన వివరించాడు. మరియు ఆఖరుగా, “ఈ రెండు ఆజ్ఞలు ధర్మశాస్త్రమంతటికిని ప్రవక్తలకును ఆధారమైయున్నవి” అను మాటతో ఈ ఆజ్ఞలకున్న ప్రాధాన్యతను యేసు వివరిస్తూ ముగింపు వేదాంత వ్యాఖ్యనిచ్చాడు.

క్రమబద్ధ వేదాంతశాస్త్రములో సిద్ధాంతములను ఏర్పరచుట యొక్క చట్టబద్ధతను యేసు యొక్క మాదిరి దృఢపరుస్తుంది. యేసు సిద్ధాంతములను గూర్చి తప్పుగా భావించి ఉంటే, ఆయన పరిసయ్యునితో “నీవు ఎందుకు సిద్ధాంతాలను సృష్టించడానికి చూస్తున్నావు? లేఖనములు ఏమి చెప్తున్నాయో దానిని బట్టి నీవు సంతృప్తిచెందాలి” అనేవాడే. కానీ, యేసు ఒక సైద్ధాంతికమైన చర్చలో పాలొందాడు.

యేసు సిద్ధాంతములలో నిమగ్నమైన అనేక సంఘటనలలో నుండి ఒకదానిని చూచిన మీదట, అపొస్తలుడైన పౌలు కూడా ఇదే విషయాన్ని చేసిన సందర్భమును మనం చూద్దాము.

మధ్యధరా ప్రపంచములో ఉండిన క్రైస్తవులందరికీ పౌలు అనేకమైన పత్రికలను వ్రాసాడు, మరియు ఆయన ప్రధానంగా ప్రయోగాత్మకమైన, మరియు సేవకులకు సంబంధించిన అంశాలనే పరిగణనలోనికి తీసుకున్నాడు. అయితే అతడు సేవకులకు సంబంధించిన అంశములకు కూడా తరచు వేదాంతపరమైన సిద్ధాంతాలపై దృష్టిపెడుతూ జవాబిచ్చాడు.

రోమీయులకు వ్రాసిన పత్రికలోని ఒక భాగములో ఏ విధంగా పౌలు ఈ పనిని చేసాడో చూద్దాము. రోమాలోని సంఘములో యూదులు మరియు అన్యజనులకు మధ్యనున్న వివాదాలు అనే సేవకుల సంబంధిత విషయమును గూర్చి పరిగణించినప్పుడు, పౌలు ఒక సుదీర్ఘమైన సైద్ధాంతిక వివరణను వ్రాసాడు. సుప్రసిద్ధమైన ఒక ఉదాహరణ రోమీయులకు 4:1-25లో మనకు కనిపిస్తుంది. ఈ వాక్యభాగమును గూర్చి చెప్పుటకు లెక్కలేనన్ని విషయాలు ఉన్నాయి, కానీ వేదాంతపరమైన సిద్ధాంతాలకు మనమిచ్చిన నిర్వచనములోని ఆ మూడు ధాతువులను ఈ వాక్యభాగము ఎలా ప్రతిబింబిస్తుందో మాత్రమే మనము మామూలుగా చూద్దాము. అది ఒక అంశముపై దృష్టి పెడుతుంది, అనేకమైన బైబిలు వాక్యభాగములను అది సమన్వయపరుస్తుంది మరియు వాటిని వివరిస్తుంది. మొదటి స్థానములో, పౌలు ఒక అంశముపై దృష్టి పెట్టాడు: పాతనిబంధనలో విశ్వాసము ద్వారా నీతిమంతులుగా తీర్చబడుట అనే అంశం.

మునుపటి అధ్యాయములోని ఒక ప్రశ్న ద్వారా రోమీయులకు 4వ అధ్యాయము పరిచయము చేయబడుతుంది. రోమీయులకు 3:31లోని ఈ ప్రశ్నను వినండి:

ధర్మశాస్త్రమును నిరర్థకము చేయుచున్నామా? (రోమీయులకు 3:31).

రోమీయులకు 4లోని అంశముపై పౌలు యొక్క ఆలోచనలను వ్యక్తపరచడానికి ఈ ప్రశ్న ఒక వేదికను కలిగిస్తుంది – పాతనిబంధనలో విశ్వాసము ద్వారా నీతిమంతులుగా తీర్చబడుట అనే అంశము. ఈ అంశమును గూర్చి నేరుగా మాట్లాడునటువంటి పాతనిబంధన పుస్తకమైనను, అధ్యాయమైనను, వాక్యభాగమైనను, లేదా ఆఖరుకు ఒక వచనమైనను లేదు. కానీ, పౌలుకు ఎంతో ఆసక్తిని కలిగించిన ఒక వేదాంతపరమైన అంశం ఇది.

ఇది వేదాంతపరమైన అంశము అవడముతో పాటుగా, రోమీయులకు 4:1-25 సైద్ధాంతిక చర్చను గూర్చి మనము ఇచ్చిన నిర్వచనమునకు కూడా సరితూగుతుంది ఎట్లనగా అనేకమైన బైబిలు వాక్యభాగములను సమన్వయపరచుట ద్వారా పౌలు ఈ అంశమును పరిగణించాడు. ఈ అధ్యాయమును ఒకసారి క్షుణ్ణంగా చూస్తేనే ఆయన కనీసం యేడుసార్లైనా పాత నిబంధనను సంప్రదించినట్లుగా తెలుస్తుంది.

3వ వచనములో, పౌలు ఆదికాండము 15:6ను ఉల్లేఖనపరచాడు. 6వ వచనములో, పౌలు కీర్తనలు 32:1-2ను నివేదించాడు. 10వ వచనములో, ఆయన ఆదికాండము 15 మరియు 17 అధ్యాయాలను పోల్చాడు. 16 మరియు 17 వచనములలో, పౌలు ఆదికాండము 17:5ను ఉల్లేఖనపరచాడు. 18వ వచనములో, ఆయన ఆదికాండము 15:5ను ఉల్లేఖనపరచాడు. 19వ వచనములో, ఆదికాండము 17:17 మరియు 18:11 వచనములను అపొస్తలుడు సూచించాడు. మరియు ఆఖరుగా, 23-24 వచనములలో, పౌలు ఆదికాండము 15:6ను మరియొకసారి ఉల్లేఖనపరచాడు. పాతనిబంధనలోని వచనములను పౌలు ఇన్ని సార్లు సంప్రదించాడు అని కేవలము తెలుసుకోవడము ద్వారానే తన సిద్ధాంతమును నిర్మించుటకు బైబిలు వాక్యభాగములను సమన్వయపరుస్తున్నాడు అని తెలుస్తుంది.

మూడవ స్థానములో, సైద్ధాంతిక చర్చలను గూర్చిన మన నిర్వచనము సూచిస్తున్నట్లుగా, ఈ అంశముపై పౌలు తన అభిప్రాయాలను వివరించాడు. తన సమగ్ర సైద్ధాంతిక స్థిరీకరణ ఏమంటే పాతనిబంధన ధర్మశాస్త్రములో విశ్వాసము ద్వారా నీతిమంతులుగా తీర్చబడుట అనే విషయం నిశ్చయపరచబడింది అనేది. తన ఆలోచనను అనేక విధాల్లో ఆయన వివరించాడు. మొదటిగా, అబ్రాహాము యొక్క విశ్వాసము అతనికి నీతిగా యెంచబడినది అని ఆదికాండము 15:6 చెప్తుంది, మరియు పౌలు తన వివరణలో ఒకరికి ఏదైనా “యెంచబడుతుంది” అంటే అది సత్క్రియల ద్వారా సంపాదించబడినది అవ్వదు అని అంటున్నాడు. కీర్తనలు 32:1-2 వచనములలో “యెంచబడుట” అనే మాటను ఇదే క్రమములో ప్రయోగించారు అని చెప్పడం ద్వారా దావీదు కూడా ఈ విషయాన్ని ధృవీకరించాడు అని పౌలు ఇంకా వివరించాడు. ఆదికాండము 17వ అధ్యాయములో అబ్రాహాము సున్నతి చేయబడుటకు మునుపే ఆదికాండము 15వ అధ్యాయములో నీతిమంతునిగా యెంచబడ్డాడు అని చెప్పబడినది గనుక ధర్మశాస్త్రము ద్వారా కాకుండా విశ్వాసము ద్వారానే నీతిమంతులుగా తీర్చబడతారు అనే విషయాన్ని పౌలు ఇంకా చూపాడు.

ఇంకా చూస్తే, ధర్మశాస్త్రము ఉన్న యూదులకును అలాగే ధర్మశాస్త్రము లేని అన్యజనులకును అబ్రాహాము తండ్రి అవుతాడు అని ఆదికాండము 17:5లో ఆయనకు వాగ్దానము చేయబడింది అనే విషయాన్ని కూడా పౌలు సూచించాడు. నిజానికి, అబ్రాహాముకు బిడ్డలు లేనందున దేవుని వాగ్దానముపై విశ్వసించడమే ఆయనకున్న ఏకైక నిరీక్షణ అని ఆదికాండము 15:5 సూచిస్తుందని ఆయన చెబుతున్నాడు. మరియు ఆదికాండము 17:17 మరియు 18:11 చూపుతున్నట్లుగా, సాధారణ విధానాలలో బిడ్డలను కనడానికి అబ్రాహాము మరియు అతని భార్య కురువృద్ధులై యున్నందున అబ్రాహాము నుండి విశ్వాసము అనునది శాశ్వతముగా ఆశించబడినది.

ఆఖరుగా, ఆదికాండము 15:6 అనునది కేవలం అబ్రాహామును గూర్చిన చారిత్రిక ప్రకటన మాత్రమే కాదు అని పౌలు ముగించాడు; క్రైస్తవ విశ్వాసులకు విశ్వాసము యొక్క కేంద్రీకృతత్వమును గూర్చి ఇది ఒక పాఠం. క్లుప్తంగా, యేసు వలే పౌలు కూడా సైద్ధాంతిక చర్చల్లో పాల్గొన్నాడు అని మనము చూస్తాము. వేదాంతపరమైన అంశములపై బైబిలు బోధలను ఆయన సమన్వయపరచి వాటిని వివరించాడు.

సిద్ధాంతమును గూర్చిన మన నిర్వచనమును మరియు సైద్ధాంతిక చర్చల చట్టబద్ధతను అవగాహన చేసికొనుటతో పాటుగా, క్రమబద్ధతలలో సిద్ధాంతములకున్న లక్ష్యాలను కూడా ఆకళింపు చేసుకోవడం మనకు చాలా ప్రాముఖ్యమైయున్నది.

క్రమబద్ధీకులు తమ సిద్ధాంతాలను ఎలా ఏర్పరచుకుంటారో అర్థం చేసుకోవాలంటే, సైద్ధాంతిక చర్చలను రెండు లక్ష్యాలు పాలిస్తున్నాయి అని చూడడం అవసరం. ఒక ప్రక్కన, సత్యమైన బోధలను నిర్మించాలనే ఒక భావార్థకమైన లక్ష్యముతో సిద్ధాంతాలు రూపించబడుతున్నాయి – అనగా క్రీస్తు అనుచరులు వేటిని నమ్మవలసియున్నారు. కానీ మరొక ప్రక్కన, అబద్ధ బోధలను వ్యతిరేకించుట అనే అభావార్థకమైన లక్ష్యముతో కూడా అవి రూపింపబడుతుంటాయి. ఈ లక్ష్యాలు రెండూ కూడా క్రమబద్ధతలలో సిద్ధాంతముల లక్షణమును లోతుగా ప్రభావితం చేస్తాయి. కాబట్టి, ఈ రెండిటిని ఒకసారి పరికిద్దాం, సత్యమైన సిద్ధాంతాలను రూపించాలనే భావార్థకమైన లక్ష్యముతో మొదటిగా ప్రారంభిద్దాము.

మనము చూచినట్లుగా మంచివారైన క్రమబద్ధ వేదాంతపండితులు లేఖనముల బోధలను అనుసరించాలి అనే గొప్ప ఆశ కలిగియుంటారు. సత్యమును వ్యక్తపరచాలి అనే ఆశ సత్యమునకు లేఖనములనే ఉన్నత నిర్ణీతలుగా అనుసరించునట్లు క్రమబద్ధీకులను నడిపిస్తుంది. కానీ క్రమబద్ధీకులు ఎదుర్కొనే సమస్య ఒకటి ఉంది. అనేక అంశములపైన ఒకదానితోనొకటి పరస్పర సంబంధం కలిగియున్న అనేక బోధలను బైబిలు ఇస్తుంది కాబట్టి, వారిని నడిపించుటకు కేవలము బైబిలు మాత్రమే ఉంటే క్రమబద్ధీకులు అణచివేయబడతారు.

ఉదాహరణకు క్రీస్తును గూర్చిన సిద్ధాంతమైన క్రీస్తుశాస్త్రమును గూర్చి బైబిలు ఎంత చెప్తుందో ఒకసారి ఆలోచించండి. అనేక కోణాలలో, ప్రత్యక్షంగానైనా లేదా పరోక్షంగానైనా బైబిలు దాని సంపూర్ణతలో క్రీస్తును గూర్చి మాట్లాడుతుంది. ఆయనను గూర్చిన సమాచారమునకు ఒక విశాలమైన భాండాగారముగా అది ఉంటుంది. కాబట్టి క్రీస్తు యొక్క సిద్ధాంతమును గూర్చి బైబిలు చెప్తున్న ప్రతీ వాస్తవ విషయమును చెప్పుటకు క్రమబద్ధీకులు ఒకవేళ ప్రయత్నిస్తే, తమ కలములను వారు ఎన్నటికీ దించలేరు.

కాగా బైబిలులోని ఏ వాక్యభాగమును పొందుపరచాలి ఏ వాక్యభాగమును మినహాయించాలి అని క్రమబద్ధీకులు ఎలా నిర్ణయిస్తారు?

క్రమబద్ధతల భావార్థకమైన నిర్దేశము కేవలం లేఖనముల ద్వారా మాత్రమే నడిపింపబడదు, కానీ సంప్రదాయిక క్రైస్తవ ఉద్ఘాటనలు మరియు ప్రాధాన్యతల ద్వారా కూడా నడిపింపబడుతుంది. అనేక విధాలలో, గతములో నమ్మకమైన క్రైస్తవులు ఏమి చేశారో చూడడం ద్వారా ఎట్టి అంశాలను పరిగణనలోనికి తీసుకోవాలో క్రమబద్ధీకులు నిర్ణయిస్తారు. పేరెన్నికగల వ్యక్తిగత వేదాంతపండితులు, విశ్వాససూత్రములు, ఒప్పుకోళ్ళు మరియు ఇతరముల ప్రయత్నములు క్రమబద్ధ వేదాంతశాస్త్రములో సైద్ధాంతిక చర్చల రూపకల్పనపై అధిక ప్రభావమును చూపుతాయి.

ఇప్పుడు, సిద్ధాంతములను రూపించుటకు భావార్థకమైన లక్ష్యము ఎంతటి ప్రాధాన్యమైనదైనప్పటికి, తమ సిద్ధాంతముల విషయమును మరియు ఉద్ఘాటనలను క్రమబద్ధీకులు అభావార్థకమైన లక్ష్యమును ఆధారము చేసికొని కూడా నిర్ణయిస్తుంటారు. దీని ద్వారా, సైద్ధాంతిక చర్చల యొక్క ప్రధాన ఉద్దేశములలో ఒకటి అబద్ధ బోధలను ఎదురించుట అనునది మన అభిప్రాయమైయున్నది.

ఈ అభావార్థకమైన లక్ష్యము కూడా లేఖనము నుండే వస్తుంది. నిజానికి, బైబిలులోని అధికభాగము అబద్ధ బోధను నిలువరించుటకే కేటాయించారు. లేఖనము యొక్క వేదాంతశాస్త్రము నిత్యము ద్వైపాక్షికంగా ఉంటుంది, అది సిద్ధాంతముల భావార్థక ప్రదర్శనలను మరియు అలాగే అబద్ధ బోధల అభావార్థక వ్యతిరేకతలను కూడా దృష్టినిస్తుంది. కాబట్టి, వారు ఏది ఉంచాలో ఏది తీసివేయాలో, ఏది ఉద్ఘాటించాలో ఏది ప్రక్కనపెట్టాలో అని క్రమబద్ధీకులు ఎన్నుకొనునప్పుడు, అబద్ధ బోధలను సరిచేయవలెననిన తమ ఆశచే వారి నిర్ణయాలన్నీ కూడా ప్రభావితము చేయబడతాయి.

లేఖనములు వ్యతిరేకిస్తున్నాయి గనుక అబద్ధ బోధలను వ్యతిరేకించడంతో పాటుగా, వారు సాంప్రదాయ క్రైస్తవ ఉద్ఘాటనలను మరియు ప్రాధాన్యతలను అనుసరించుటకు చూచుట వలన కూడా క్రమబద్ధీకులు ఈ అభావార్థకమైన ఉద్దేశమును ఎన్నుకొంటారు. క్రమబద్ధతలలోని సైద్ధాంతిక రూపకల్పనల ఈ కోణమును ఎక్కువగా ఉద్ఘాటించడం చాలా కష్టం.

ఉదాహరణకు, 451వ సంవత్సరంలో వ్రాయబడిన క్రీడ్ ఆఫ్ ఛాల్సిడోన్ క్రీస్తు యొక్క వ్యక్తిత్వం మరియు స్వభావాలను గూర్చి ఏమి చెప్తుందో ఆలోచించండి. అది ఈ విధంగా చెప్తుంది:

[క్రీస్తు] నిజముగా దేవుడు మరియు నిజముగా మానవుడు ... రెండు స్వభావాల్లో గుర్తించదగినవాడు, పొరపాటు లేకుండా, మార్పు లేకుండా, విభజన లేకుండా, వేర్పాటు లేకుండా; స్వభావాల వ్యత్యాసము ఏ విధముగా కూడా ఏకత్వముచే రద్దుచేయబడదు, అయితే ప్రతి స్వభావము యొక్క లక్షణములు సంరక్షించబడి, ఒక వ్యక్తి మరియు పదార్థముగా రూపొందించబడడానికి కలసిపోతాయి, రెండు వ్యక్తులలో విడిగా లేదా విభజన చేయబడవు.

కాగా ఒక విధంగా చూస్తే ఈ వాక్యము లేఖనమునకు నమ్మకముగా ఉండాలి మరియు అప్పటికే విశ్వాసులైన క్రైస్తవులు నమ్మినదానిని వ్యక్తపరచాలి అనే భావార్థక ఉద్దేశముతో నడిపింపబడుతుంది. ఈ విషయం చాలా స్పష్టంగానే ఉంది. కాని క్రీస్తును గూర్చి ఈ ప్రమాణము ఏమి చెప్తుందో మరొకసారి చూడండి. క్రీస్తును గూర్చి చెప్పుకోడానికి ఎన్నో విషయాలు ఉండగా, క్రీస్తులో ఉన్న రెండు స్వభావాలు దైవిక మరియు మానవ లక్షణములను ఎలా నిర్వర్తించగలుగుతున్నాయి అనే విషయము యొక్క ప్రత్యేకతలను మాత్రమే ఛాల్సిడోన్ ఎందుకు చర్చించింది? ఈ స్వభావాలు ఒకదానితోనొకటి పొరబడుటలేదు, అవి మారుటలేదు, అవి విభజింపబడుటలేదు, అవి వేర్పాటుచేయబడుటలేదు అని ఎందుకు ఈ ప్రమాణము చెప్తుంది? క్రీస్తు యొక్క రెండు స్వభావాలూ ఒకే వ్యక్తిలో సమైక్యపరచబడుతున్నాయి అని ఎందుకు చెప్తుంది? ఈ అంశాలు లేఖనములో ఉద్ఘాటించబడలేదు. కాబట్టి ప్రమాణము అనునది ఎందుకు ఇట్టి విషయాలను గూర్చి పరిగణించాలో అనడానికి ఇదే కారణం.

నిజానికి, ఛాల్సిడోన్ యొక్క విశేష ఉద్ఘాటనలు క్రైస్తవ్యం యొక్క ఆరంభ శతాబ్దాలలో తలెత్తిన క్రీస్తును గూర్చిన అబద్ధ బోధలకు స్పందనగానే ఎక్కువగా వృద్ధిచెందాయి. ఈ అబద్ధ బోధలలో కొన్ని క్రీస్తు యొక్క సంపూర్ణ మానవ స్వభావమును తిరస్కరించాయి, మరికొన్ని ఆయన సంపూర్ణ దైవత్వ స్వభావమును, మరియు ఇంకొన్ని ఆయన కేవలం ఒకే వ్యక్తి అని చెప్తూ తిరస్కరించాయి.

మరియు అదే విధంగా, అధికారిక క్రమబద్ధ వేదాంతశాస్త్రాలలో అనేక సైద్ధాంతిక చర్చలు ఈ విధమైన అభావార్థక అజెండానే స్వీకరిస్తున్నాయి. ఉదాహరణకు, తన సిస్టమాటిక్ థియాలజి మొదటి పుస్తకము నాల్గవ అధ్యాయములో చార్లెస్ హాడ్జ్ దేవుని జ్ఞానమును చర్చించినప్పుడు, భావార్థకముగా ఈ విధంగా వివరించిన చిన్న పేరాతో మొదలు పెట్టాడు:

దేవుడు తెలుసుకొనబడగలడు అనేది లేఖనముల యొక్క స్పష్టమైన సిద్ధాంతము.

కానీ ఈ ఆరంభ ధృవీకరణను వెంటనే అనుసరిస్తూ, దేవుని తెలుసుకొనుట యొక్క అర్థమును గూర్చి దీర్ఘమైన పేరాలలో హాడ్జ్ మూడు అసత్య భావనలను చర్చించాడు. ఇతర బోధలకు విరుద్ధంగా, ఆయన మొదటిగా ఇలా చెప్పాడు:

దేవుని గూర్చి వాస్తవమైన విషయములన్నిటినీ మనము తెలుసుకోగలం అని ఇక్కడ అర్థం కాదు.

మరలా మరొక అబద్ధ బోధను గూర్చి మాట్లాడుతూ ఈ విధంగా అన్నాడు:

దేవుని గూర్చిన ఒక మానసిక దృశ్యాన్ని రూపించగలము [అని మనము నమ్మకూడదు].

మరియు మూడవదిగా, ఇలా వ్రాసాడు:

[దేవుడు] గోచరింపబడగలడు (లేదా క్షుణ్ణంగా తెలుసుకొనబడగలడు) అని [మనము నమ్మకూడదు].

అసత్య ఆలోచనల ఈ అభావార్థక ఖండనలను అనుసరించి, దేవుడు తెలుసుకొనబడగలుగుటకు గల విధానాలను భావార్థకంగా వివరించుటకు హాడ్జ్ మళ్లాడు. హాడ్జ్ ఇక్కడ చేసింది క్రమబద్ధ వేదాంతశాస్త్రమునకు రూపకముగా ఉంది.

కాబట్టి, సైద్ధాంతిక చర్చల ఉద్దేశాలు కనీసం రెండు ప్రధాన ఆశలతోనైనా రూపించబడతాయి అని మనము చూసాము: సత్యమును వ్యక్తపరచాలనే ఆశ, అలాగే అసత్యమును ఎదిరించాలనే ఆశ కూడా.

క్రమబద్ధతలలో సిద్ధాంతములను గూర్చిన మూల నిర్వచనమును ఇప్పుడు మనము కలిగియున్నాము గనుకను మరియు సైద్ధాంతిక చర్చల యొక్క చట్టబద్ధత మరియు ఉద్దేశాలు మనము చూసాము గనుకను, మన ధోరణి యొక్క మూడవ కోణమునకు మనము మళ్లాలి: క్రమబద్ధ వేదాంతశాస్త్రము అనే సమూల కార్యక్రమంలో ఈ సిద్ధాంతముల స్థానము.

మునుపటి పాఠములలో, మధ్యయుగము తరువాత నుండి వేదాంతశాస్త్రము అనునది నాలుగు మూల దశలతో నిర్మింపబడింది అని మనము చూచాము: జాగ్రత్తగా నిర్వచింపబడిన సాంకేతిక పదాల ఏర్పాటు, ప్రతిపాదనల సృష్టి, తరువాత సిద్ధాంతాల ఏర్పాటు, మరియు ఆఖరుగా, విశ్వాసముల సమగ్ర వ్యవస్థ.

వేదాంతశాస్త్రమును నిర్మించుటలో ఈ భావనలను దశలుగా మాట్లాడడం అనేది కొంతమేర కృత్రిమంగానే ఉంటుంది అనే విషయాన్ని మనము ఎప్పుడూ జ్ఞాపకముంచుకోవాలి. క్రమబద్ధీకులు అన్నివేళల్లో కూడా వీటన్నిటిలో నిమగ్నమౌతుంటారు. క్రమబద్ధ వేదాంతశాస్త్రమును నిర్మించుట అనేది సాధారణ విషయాల నుండి సంక్లిష్టమైన విషయాలకు వెళ్లుట అని ఆలోచించుట సహాయకరంగా ఉంటుంది. అత్యల్ప స్థాయిలో, వేదాంతపరమైన సాంకేతిక పదాలు అనునవి క్రమబద్ధ వేదాంతశాస్త్రమునకు అత్యంత ప్రధానమైన నిర్మాణపు బండరాళ్లుగా ఉంటాయి. జాగ్రత్తగా నిర్వచింపబడిన అంత్యప్రత్యయములు లేకుండా, మంచిదైన క్రమబద్ధ వేదాంతశాస్త్రమును నిర్మించుట చాలా కష్టం. రెండవ అడుగు ప్రతిపాదనలను ఏర్పరచడం. క్రమబద్ధతలలో సాంకేతిక పదాలను మూల నిర్మాణ బండరాళ్లగా మనము ఆలోచిస్తే, ప్రతిపాదనలు మాత్రం ఈ సాంకేతిక పదాలను వివరించే బండరాళ్ల వరుసగా ఉన్నాయని ఆలోచించవచ్చు. మరియు సిద్ధాంతాలను మాత్రము ప్రతిపాదనల వరుసలుగా గోడలలోని భాగాలను లేదా గోడల మొత్తమును సూచించునవిగా మనము వివరించవచ్చు. మరియు ఆఖరుగా, వేదాంతశాస్త్రము యొక్క వ్యవ్యస్థ సైద్ధాంతిక ప్రకటనల నుండి వేదాంతపండితులు సంపూర్ణ భవంతిని నిర్మించే మార్గాలను సూచిస్తుంది. ఒక భవనమునకు గోడలు ఎలా అవసరమో, క్రమబద్ధ వేదాంతశాస్త్ర నిర్మాణములో సిద్ధాంతాలు అనునవి అగత్యమైన స్థానమును కలిగియున్నాయి.

క్రమబద్ధతలలో సిద్ధాంతములను గూర్చిన ఒక సాధారణ ధోరణి ఇప్పుడు మనకు ఉన్నది గనుక, మన రెండవ ప్రధాన అంశమునకు మనము మళ్లాలి: సిద్ధాంతముల ఏర్పాటు. తమ పథకమునకు చాలా ప్రాథాన్యమైన సైద్ధాంతిక చర్చలను క్రమబద్ధీకులు ఎలా సృష్టిస్తారు?

విద్యార్ధులు మొదటిసారి క్రమబద్ధ వేదాంతశాస్త్రమును అధ్యయనం చేయుటకు మొదలుపెట్టినప్పుడు సిద్ధాంతముల ఏర్పాటు అనునది లేఖనము నుండి ఉపపాదన సత్యాలను ఒకచోట చేర్చడం కంటే కొంచెం ఎక్కువగా ఉంటుంది అనే అసత్య ఆలోచనలో చాలా సార్లు వాళ్లు ఉంటారు. ఒక పామరునికి ఈ పథకము మొత్తం చాలా సుళువైనదిగా అనిపించవచ్చు. కానీ అధికారిక క్రమబద్ధ వేదాంతశాస్త్ర ఏర్పాటులో నిమగ్నమయ్యే ప్రక్రియలన్నీ కూడా నిజానికి చాలా సంక్లిష్టమైనవే. నిజానికి, పరిపూర్ణమైన అధ్యయనం అనేది అసాధ్యం అనునంతగా అనేకమైన వివిధ కారకములు వీటిలో ఉంటాయి. అయినప్పటికీ క్రమబద్ధ వేదాంతశాస్త్రములో సిద్ధాంతాలు మామూలుగా ఏర్పాటుచేయుటలో ఉండే మార్గాలను గూర్చిన కొంత ఆలోచనను మనము పొందుకోవచ్చు.

క్రమబద్ధతలలో సిద్ధాంతములను ఏర్పాటుచేయుటలో నిమగ్నమయ్యే ప్రక్రియలను అర్థం చేసుకోవాలంటే, మనము రెండు అంశాలను చూడాలి: మొదటిగా తమ అభిప్రాయములకు క్రమబద్ధీకులు బైబిలుపరమైన మద్దతును ఎలా కూడగట్టుకొంటున్నారో చూద్దాం. మరియు రెండవదిగా, తమ సిద్ధాంతములను వివరించుటకు మరియు బలపరచుటకు క్రమబద్ధీకులు ఎట్లు తర్కవాదమును ఉపయోగిస్తున్నారో అన్వేషిద్దాం. సిద్ధాంతములకు గల బైబిలు మద్దతును మొదటిగా మనం చూద్దాం.

ఇప్పుడు, క్రమబద్ధీకులు తరచుగా తత్వశాస్త్రపరంగానూ చారిత్రకపరంగానూ తమ వాదనలను నిర్మిస్తుంటారు అని జ్ఞాపకముంచుకోవడం అన్నివేళల్లో ప్రాముఖ్యమైన విషయము. ఎవరు దేనిని నమ్మారు, మరియు ఎప్పుడు వాళ్లు ఈ విషయాలను నమ్మారు? వారి ఆలోచనలు సరైనవా లేక సరికానివా? కొన్నిసమయాలలో ఈ విధమైన విషయాలు చాలా ప్రాముఖ్యమైనవి, ప్రత్యేకంగా క్రమద్ధీకులు సిద్ధాంతాల చరిత్రతో వ్యవహరిస్తుండగా మరియు వారి ఆలోచనలకు విరుద్ధంగా ఉన్న అసత్యాలను గుర్తించుచుండగా ఇవి చాలా ప్రాముఖ్యముగా ఉన్నాయి. కానీ సాధారణంగా చూస్తే, తమ సైద్ధాంతిక చర్చలకు క్రమబద్ధ వేదాంతపండితులు మద్దతు పలికే అత్యంత విమర్శనాత్మకమైన విధానమేదనగా లేఖనముల మద్దతు కొరకు కనిపెట్టడం.

రెండు విధానాలలో సైద్ధాంతిక చర్చలకు గల బైబిలు మద్దతును పరీక్షిద్దాం. మొదటిగా, తమ తమ ఆలోచన సరళికి క్రమబద్ధీకులు బైబిలు యొక్క మద్దతును కూడగట్టుకొనుటలో అవలంబించే సాధారణ ప్రక్రియను వివరిద్దాం. మరియు రెండవదిగా, క్రమబద్ధ వేదాంతశాస్త్రములో ఈ ప్రక్రియకు ఒక ఉదాహరణను చూద్దాం. లేఖనము నుండి క్రమబద్ధీకులు తమ వాదనను నిర్మించుకొనునప్పుడు అనుసరించే ఒక సాధారణ ప్రక్రియను మనము మొదటిగా పరిగణిద్దాం.

మునుపటి పాఠములలో, క్రమబద్ధీకులు లేఖనములను వాస్తవికతల క్షయకరణకు లోనుచేయడం ద్వారా మొదలుపెడతారు అని చూచాము. బైబిలు వాక్యభాగాలు బోధించునటువంటి వేదాంతపరమైన సత్యముల కోసం వారు చూస్తుంటారు. మరియు వారు ఈ సత్యములను వేదాంతపరమైన ప్రతిపాదనలుగా సంకలనము చేస్తారు. కాని క్రమబద్ధ వేదాంతపండితులు సిద్ధాంతములను ఏర్పరచుటకు మళ్లుతుండగా, ఈ మూల ప్రక్రియలను దాటి విశాలమైన సమన్వయపరచుట మరియు వివరించుట అనే ప్రక్రియలను కూడా పరిగణిస్తారు.

విశాలమైన సమన్వయము మరియు వివరణను గూర్చి మనము మాట్లాడునప్పుడు, బైబిలు బోధలలోని వివిధ అంశాల సంకలన ప్రక్రియలో క్రమబద్ధ వేదాంతపండితులు కొనసాగుతుంటారు అనే విషయం మన మనస్సులో ఉంటుంది. పెద్దవైన, మరియు సంక్లిష్టమైన వేదాంత సమన్వయములను సృష్టించుటకు వారు వేదాంతపరమైన ప్రతిపాదనలను ప్రయోగిస్తారు. ఒక వేదాంత అంశమును గూర్చిన తమ చర్చను ముగించునంత వరకు కూడా బైబిలు బోధలను పొరల వెంబడి పొరలుగా వారు ఏర్పరచుతారు. ఫలితముగా, సైద్ధాంతిక చర్చల్లో పెరుగుతూ ఉండే మరియు మరింత సంక్లిష్టమైన వేదాంత ఆలోచనల సమన్వయములు మరియు వివరణల పొరలు ఉంటాయి.

ఈ సాధారణ ప్రక్రియలను మనస్సులో ఉంచుకొని, ఒక ఉదాహరణను మనం చూడాలి.

ఉదాహరణగా, తాను రచించిన సిస్టమాటిక్ థియాలజి నాల్గవ భాగం 10వ అధ్యాయంలో బెర్కాఫ్ చర్చించిన “పరిపూర్ణతావాదం అనే సిద్ధాంతమునకు గల అభ్యంతరాలు”ను ఒకసారి చూద్దాం. పరిపూర్ణతావాదం అనగా ఈ జీవితములో మనము పూర్తిగా పాపవిముక్తులముగా ఉండగలం అని కొంతమంది క్రైస్తవులు కలిగియున్న నమ్మకం, మరియు ఈ భాగంలో బెర్కాఫ్ ఈ అసత్య ఆలోచనను వ్యతిరేకించే ఈ అభావార్థక ఉద్దేశమునకు బైబిలు మద్దతును కూడగట్టాడు. బెర్కాఫ్ రచనలో, మొదటిగా ఇలా అన్నాడు:

లేఖనము వెలుగులో పరిపూర్ణతావాదము అనే సిద్ధాంతమును పూర్తిగా నిర్ధారణచేయుటకు వీలుకానిది.

పిమ్మట, తన ఆలోచనను నిరూపించుటకు ఆయన మూడు సుదీర్ఘ పేరాలలో, ప్రతి ఒక్కటి కూడా ఒక్కొక్క ప్రధాన ప్రకటనను చేయునట్లుగా వ్రాసాడు. మొదటి పేరా ఈ విధంగా చెప్తుంది:

పాపము చేయని వాడు ఈ భూమిపై ఎవడును లేడు ... అని బైబిలు ఒక నిశ్చయతను ఇస్తుంది.

రెండవ పేరా ఈ ప్రకటనతో మొదలౌతుంది:

లేఖనము ప్రకారము దేవుని బిడ్డల జీవితములలో శరీరమునకును మరియు ఆత్మకును నిరంతర యుద్ధము జరుగుతుంది, మరియు అత్యంత శ్రేష్టులైన వారు సహితము పరిపూర్ణత కొరకు ఇంకను ప్రయాసపడుతూనే ఉన్నారు.

మరియు ఆయన మూడవ పేరా ఈ విధంగా మొదలౌతుంది:

పాపమును ఒప్పుకోవడం మరియు క్షమాపణ నిమిత్తం ప్రార్థించడం అనేవి [లేఖనములో] నిత్యము కోరబడినవి.

బెర్కాఫ్ వ్రాసిన విషయాలు అర్థము చేసికొనుటకు కష్టము ఏమాత్రము కాదు. భూమిపైనున్న ప్రతి ఒక్కరూ పాపము చేస్తారు, విశ్వాసులందరూ పాపముతో పోరాడుతున్నారు, మరియు ప్రతి ఒక్కరూ ఒప్పుకొని క్షమాపణ కోరాలి అని లేఖనములు బోధిస్తున్నవి గనుక పరిపూర్ణతావాదము అనునది లేఖనములకు విరుద్ధం అని ఆయన వాదించాడు.

ఇప్పుడు, ఒక కాగితము మీద వ్రాయబడిన విధంగా బెర్కాఫ్ యొక్క ఆలోచనను అర్థము చేసికొనవచ్చుగాని, తన రచనకు బైబిలు పరమైన మద్దతును ఎలా కూడబెట్టుకున్నాడో చూచుటకు మనము కొంత వెనుకకు చూడాలి.

బెర్కాఫ్ పంతొమ్మిది బైబిలు వాక్యభాగాలను ఉల్లేఖనంగా గానీ లేదా సూచనప్రాయంగా కానీ ప్రయోగించాడు. ఈ వచనములను మూడు గుంపులలో సమకూర్చిన తరువాత ఈ భాగముల నుండి రాబట్టిన ప్రతిపాదనలను బెర్కాఫ్ సిద్ధపరచాడు. మొదటి పేరాలో, మొదటి ఆరు బైబిలు వచనములను మాత్రమే జాబితాపరచి ఈ విధంగా చెప్పాడు:

పాపము చేయనివాడు అంటూ ఈ భూమిపై ఎవడును లేడు అని బైబిలు ఒక నిశ్చయత ఇస్తుంది.

రెండవ పేరాలో, తేలికైన వేదాంత ప్రతిపాదనతో ఒక్కొక్క వచనమును ప్రత్యేకంగా సారంశపరచాడు. రోమీయులకు 7:7-26 వచనములను గూర్చి ప్రస్తావిస్తూ బెర్కాఫ్ ఈ విధంగా వ్రాసాడు:

ఈ పోరాటమును గూర్చి చాలా అద్భుతమైన వివరణను పౌలు ఇస్తున్నాడు ... పునరుజ్జీవింపబడిన స్థితిలో ఉన్న అతనిని ఇది ఖచ్చితంగా సూచిస్తుంది.

గలతీయులకు 5:16-24 వచనములను ప్రస్తావిస్తూ ఈ విధంగా వ్రాసాడు:

దేవుని బిడ్డలందరికీ లక్షణముగా ఉన్న ఒక పోరాటమును గూర్చి ... [పౌలు] మాట్లాడుతున్నాడు.

ఫిలిప్పీయులకు 3:10-14 వచనములను ప్రస్తావిస్తూ ఆయన ఈ విధంగా చెప్పాడు:

పరిపూర్ణతకు ఇంకను చేరుకొనని ఒక వ్యక్తిలా ఉన్న తనను గూర్చి తన భవితకు అంతిమంలో [పౌలు] మాట్లాడుతున్నాడు.

లేఖనము నుండి ఈ ప్రతిపాదనలను ఏర్పరచిన తరువాత, తన మూడు ప్రతిపాదనలను తీసికొని ఒక విశాలమైన సత్యముగా దానిని సమన్వయపరచాడు. ఆయన ఈ విధంగా చెప్పాడు:

లేఖనము ప్రకారము దేవుని బిడ్డల జీవితములలో శరీరమునకును మరియు ఆత్మకును నిరంతర యుద్ధము జరుగుతుంది, మరియు అత్యంత శ్రేష్టులైన వారు సహితము పరిపూర్ణత కొరకు ఇంకను ప్రయాసపడుతూనే ఉన్నారు.

మూడవ పేరాలో, తేలికైన ప్రతిపాదనలతో బెర్కాఫ్ వచనములను సారాంశపరుస్తూ కొనసాగించాడు. మొదటిగా, మత్తయి 6:12-13 వచనములను, ఈ మాటలు తీసికొని ప్రస్తావించాడు.

పాపముల క్షమాపణ నిమిత్తం ... తన శిష్యులందరూ ప్రార్థించాలని యేసు బోధించాడు.

తరువాత ఆయన 1 యోహాను 1:9ను సూచిస్తూ ఇదే అంశమును ఈ వచనము పునరావృతపరుస్తుంది అని చెప్పాడు.

తరువాత, క్షమాపణ కొరకు ప్రార్థించిన పరిశుద్ధులను గూర్చిన ఉదాహరణలు కలిగియున్న యోబు, కీర్తనలు, సామెతలు, యెషయా, దానియేలు మరియు రోమా పత్రికలలోని ఈ వచనములను ప్రస్తావించాడు, మరియు ఈ వచనములను ఆధారము చేసికొని ఈ ప్రతిపాదనను ఏర్పరచాడు:

బైబిలులోని పరిశుద్ధులు తమ పాపములను ఒప్పుకున్నవారిగా ఎల్లప్పుడు చూపించబడ్డారు.

లేఖనము నుండి ఈ ప్రతిపాదనలను ఏర్పరచిన తరువాత, తన రెండు అదనపు వేదాంతపరమైన ప్రతిపాదనలను ఒక ఉన్నతమైన ప్రకటనగా సమన్వయపరుస్తూ ఈ విధంగా చెప్పాడు:

పాపమును ఒప్పుకొనుట మరియు క్షమాపణ కొరకు ప్రార్థించుట అనునవి లేఖనములో నిత్యము కోరబడినవి.

కాబట్టి, పరిపూర్ణతావాదమును గూర్చిన సిద్ధాంతము యొక్క చర్చలో బెర్కాఫ్ మూడు ప్రధానమైన ప్రకటనలను చేసినట్లు మనము చూస్తాము. మొదటి పేరాలో, “పాపము చేయనివాడు ఈ భూమిపై ఎవడును లేడు ... అని బైబిలు నిశ్చయత ఇస్తుంది” అని ఆయన చాటాడు. రెండవ పేరాలో, “లేఖనము ప్రకారము దేవుని బిడ్డల జీవితములలో శరీరమునకును మరియు ఆత్మకును నిరంతర యుద్ధము జరుగుతుంది, మరియు అత్యంత శ్రేష్టులైన వారు సహితము పరిపూర్ణత కొరకు ఇంకను ప్రయాసపడుతూనే ఉన్నారు” అని వక్కాణించాడు. మరియు మూడవ పేరాలో, “పాపమును ఒప్పుకొనుట మరియు క్షమాపణ కొరకు ప్రార్థించుట అనునవి లేఖనములో నిత్యము కోరబడినవి” అని చాటాడు.

పిమ్మట పరిపూర్ణతావాదమును గూర్చిన సైద్ధాంతిక చర్చను ముగించుటకు, ఈ మూడు ఉద్ఘాటనలను మరింత ఉన్నతమైన సమన్వయ స్థాయికి బెర్కాఫ్ తీసికొని వచ్చాడు. ఆయన ఈ విధంగా సారాంశపరచాడు:

లేఖనము వెలుగులో పరిపూర్ణతావాదము అనే సిద్ధాంతము పూర్తిగా నిర్ధారణచేయుటకు వీలుకానిది.

ఇప్పుడు, క్రమబద్ధ వేదాంతపండితుల రచనలు ఈ ఉదాహరణ సూచించినంత వ్యక్తముగా మరియు నేరుగా ఎల్లప్పుడూ ఉండవు. కాని ఇక్కడ మనము చూచినది తమ సిద్ధాంతములకు క్రమబద్ధీకులు బైబిలు మద్దతును కూడగట్టుకొనుటకు గల విధానాల యొక్క లక్షణముగా మాత్రమే ఉంది. వారు లేఖనములను వాస్తవాలకు కుదించి, ఆ వాస్తవాలను వేదాంతపరమైన ప్రతిపాదనల వృద్ధికి సంకలనము చేసి, ఆ ప్రతిపాదనలను ఉన్నతమైన మరియు మరింత సంక్లిష్టమైన స్థాయిలో ఉండే వేదాంత ప్రకటనలుగా సమన్వయపరుస్తారు.

తమ సిద్ధాంతములకు క్రమబద్ధీకులు బైబిలు మద్దతును కూడగట్టుకొనే ప్రతీసారీ వారు అనుసరించే మామూలు ప్రక్రియే ఇదే.

క్రమబద్ధీకులు తమ సిద్ధాంతములకు బైబిలు మద్దతును ఎలా కూడగట్టుకొంటారో చూసాము గనుక, తమ ఆలోచనలకు తార్కిక మద్దతును వారు ఎలా కూడగట్టుకొంటారో చూచుటకు మనము మళ్లవలసియున్నది.

క్రమబద్ధ వేదాంతశాస్త్ర నిర్మాణములో క్రమబద్ధీకులు ప్రతీ దశలో హేతువాదమును ఉపయోగించినప్పటికీ, వారు తమ సిద్ధాంతములను ఏర్పరచుచుండగా తర్కము అనునది ప్రత్యేకముగా ప్రాధాన్యమైయున్నది.

సైద్ధాంతిక చర్చల విషయములో హేతుబద్ధ మద్దతును గూర్చి మూడు కోణములను స్పృశించడం ఉపయోగకరముగా ఉంటుంది. మొదటిగా, తర్కము యొక్క అధికారమును మనం చూద్దాం. తర్కమునకు ఎంత అధికారము ఉన్నట్లు క్రమబద్ధ వేదాంతశాస్త్రము గుర్తిస్తుంది? రెండవదిగా, లేఖనము యొక్క నిగమన భావములను వేలికితీయుట ద్వారా క్రమబద్ధీకులు ఎలా తార్కిక మద్దతును స్థాపిస్తారో మనం చూద్దాం – బైబిలు నుండి దృక్పథాలను ఎలా తార్కికంగా రాబడుతున్నారు అనేది చూస్తాం. మరియు మూడవదిగా, సైద్ధాంతిక చర్చలకు ఈ నిగమన తర్కము తెచ్చే నిశ్చయతల స్థాయిలకు మనము మళ్లుదాం. సిద్ధాంతములను నిర్మించుటకు ఎంతో ప్రాముఖ్యమైన నిగమన తార్కిక అన్వేషణలపై మనము ఎంత నమ్మకమును కలిగియుండవచ్చు? తర్కము యొక్క అధికారమును గూర్చి మొదటిగా చూద్దాం.

ఈ శీర్షికలోని మొదటి పాఠములో, యూదా సంస్కృతి వేరుల నుండి క్రైస్తవ విశ్వాసము ముందుకు కదులుతూ మధ్యధరా ప్రపంచమంతటిలో వ్యాప్తిచెందుతుండగా, క్రైస్తవ వేదాంతపండితులు గ్రీకుల ఆలోచనా విధానానికి ఎక్కువ ఆసక్తిని ఇచ్చారని మనము చూచాము.

పితరుల కాలములో, నవీన ప్లాటోవాదముతో పాలుపంపులు క్రైస్తవ వేదాంతశాస్త్రము యొక్క హేతుబద్ధ విశ్లేషణపై ఆసక్తిని పెంచాయి. కానీ ఆదిమ క్రైస్తవ పితరులు తార్కిక విశ్లేషణను మించిన మార్మిక జ్ఞానోదయం ద్వారా మాత్రమే క్రైస్తవ విశ్వాసము యొక్క ఉన్నత సత్యాలు ఆకళింపు చేసికొనబడగలవు అనే అంగీకారములకు తమ హేతుబద్ధ తలంపును పరిమితము చేసారు.

మధ్యయుగంలో, క్రైస్తవ పండితులు హేతువు లేదా తర్కమునకు మరింత ఉన్నత అధికారమును ఆపాదించారు. తర్కముపై అరిస్టాటిల్ కున్న ఆలోచనలను పండితులు వేదాంతశాస్త్రముకు అన్వయించగా, వేదాంతపరమైన చర్చలు ఎక్కువగా హేతువాద కృత్యములే అయ్యాయి. క్రైస్తవ మార్మికుల నిరసనలకు వ్యతిరేకంగా, వారికి సాధ్యమైనంతగా పండితులు క్రైస్తవ విశ్వాసంలోని అన్ని అంశాలకు కూడా హేతువాదమును అన్వయించారు. చాలా విషయాల్లో చూస్తే, తర్కమునకు చేసే నివేదనలు లేఖనమునకు చేసే నివేదనల కంటే ముందంజలో ఉండేంతగా పాండిత్యంలో హేతుబద్ధ విశ్లేషణ ఉన్నతంగా పరిగణించబడినది.

మధ్యయుగపు హేతువాదమును ప్రొటెస్టెంట్ వేదాంతపండితులు తమ సోలా స్క్రిప్చుర అనే సిద్ధాంతముతో ఎదురించారు. సంఘము బైబిలు యొక్క అంతిమ అధికారమునకు తననుతాను సమర్పించుకోవలసినదిగా ప్రొటెస్టెంట్లు పిలుపునిచ్చారు, మానవ హేతువాదము కంటే కూడా బైబిలుకే ఎక్కువ ప్రాధాన్యత ఇచ్చునట్లు పిలుపునిచ్చారు. ఈ అంశంపై ప్రొటెస్టెంట్లలో కొన్ని విభేదాలు ఉన్నప్పటికీ, చాలా సాధారణ మాటల్లో, తర్కమును గూర్చి రెండు సత్యములను ప్రొటెస్టెంట్లు నమ్మారు.

ఒక ప్రక్కన, తార్కికమైన హేతువాదమును కలిగియుండడం అనేది ఒక విలువైన సామర్థ్యత అని ప్రొటెస్టెంట్లు గుర్తించారు. అది దేవుని నుండి ఒక వరము, మరియు వేదాంతశాస్త్రమును మనము నిర్మించుచుండగా దానిని అభిలాషతో ప్రయోగించాలి. కానీ మరొక ప్రక్కన, తార్కికంగా హేతువాదమును కలిగియుండడం అనేది పరిమితమైన సామర్థ్యము మరియు లేఖనములో దేవుడు బయలుపరచిన దానికి లోబడి దానిని ప్రయోగించాలి.

తర్కముపై ఈ ద్వంద్వ వైఖరికి ఒక ప్రాముఖ్యమైన ఉదాహరణను కాని-విరుద్ధత అనే నియమమును మంచివారైన క్రమబద్ధీకులు ఎలా ప్రయోగించారో చూడడం ద్వారా పరిశీలించవచ్చు. కాని-విరుద్ధత అనే ఈ నియమమును వారు ఎంతో ఉన్నతంగా ఎంచుతారు, కానీ దానిలోని పరిమితులను కూడా గుర్తిస్తారు.

ఈ కాని-విరుద్ధత అనే నియమము అరిస్టాటిల్ ద్వారా ప్రతిపాదించబడి ఒకటి లేదా వేరొక మార్గాలలో క్రైస్తవ వేదాంతపండితులచే కూడా ధృవీకరించబడిన తార్కిక నియమములలో లేదా చట్టములలో ప్రధానమైనవాటిలో ఒకటి. ఈ నియమమును అనేక విధాలుగా చెప్పవచ్చు, కానీ మన ఉద్దేశముల కొరకు మాత్రము ఈ క్రింది విధంగా సారాంశపరచవచ్చు: “ఏ ఒక్కటీ కూడా ఒకేసమయములో మరియు ఒకే అర్థంలో సత్యమైయుండియు మరియు సత్యముకానిదిగా ఉండలేదు.” ఉదాహరణకు, ఒక జంతువు ఒకే సమయములో మరియు ఒకే అర్థములో కుక్కగా ఉండలేదు మరియు కుక్కకానిదిగా ఉండలేదు అని మన దైనందిన జీవితములో చెప్పవచ్చు. లేదా వేదాంతశాస్త్రములో, ఒకే సమయములో మరియు ఒకే అర్థములో యేసు రక్షకునిగాను మరియు రక్షకుడు కానివానిగాను ఉండలేడు అని మనము చెప్పవచ్చు.

ఇప్పుడు, సాధారణంగా తర్కమును మంచివారైన ప్రొటెస్టెంట్ వేదాంతపండితులు రెండు విధాలుగా చూచినట్లుగానే, కాని - విరుద్ధత అనే నియమమును కూడా వారు రెండు విధాలుగా చూచారు. ఒక ప్రక్కన, కాని - విరుద్ధత అనే నియమము క్రమబద్ధ వేదాంతశాస్త్రములో చాలా ఉన్నతంగా పరిగణించబడింది. అది దేవుడు మనకిచ్చిన వరంగా భావించబడింది. వేదాంతపరమైన విషయాలకు జాగ్రత్తతో కూడిన హేతువాదమును ప్రయోగించుటకు అది మనకు సామర్థ్యతనిస్తుంది, సత్యము నుండి అసత్యమును వేరుపరచుటకు సాధ్యపడుతుంది.

అయినప్పటికీ, సహస్రాబ్దులుగా నమ్మకమైన ప్రొటెస్టెంట్ వేదాంతపండితులు వేరొక కోణమును కూడా కలిగియున్నారు. మనందరి హేతువాద సామర్థ్యతల వలెనే, లేఖనములను అన్వేషించుటకు మనము ఈ కాని - విరుద్ధత అనే నియమమును ప్రయోగిస్తుండగా దానికి పరిమితులు కూడా ఉన్నాయి. అది బైబిలు ఆధీనములో ప్రయోగించబడాలి.

కాని - విరుద్ధత నియమము లేఖనమునకు లోను కావడం అనేది చాలా ప్రాముఖ్యం ఎందుకనగా కొన్ని సార్లు, లేఖనములు కూడా తమనే అవి విరుద్ధపరచుకొనుచున్నట్లుగా అనిపిస్తున్నాయి. తార్కికంగా అననుకూలమైన సంగతులను అవి చెప్తున్నట్లుగా అనిపిస్తున్నాయి. ఈ సందర్భములో క్రమబద్ధీకులు ఏమి చేస్తారు? తార్కికంగా బైబిలు బోధలను సమన్వయపరచుటకు వారు చూచుచుండగా ఈ అగుపడే వైరుధ్యాలను వారు ఎలా చూస్తారు?

సాధారణంగా, బైబిలులోని ఇట్టి అగుపడే వైరుధ్యాలకు స్పందిస్తూ ఈ రెండిటిలో ఒక వాస్తవమును ఉద్ఘాటిస్తారు: మన పొరబాటు మరియు మన పరిమితత్వము. ఒక ప్రక్కన, మనము పొరబడుతుంటాము గనుక లేఖనములు వైరుధ్యాలు కలిగినవిగా అనిపిస్తుంటాయి. వేరొక మాటలలో చెప్పాలంటే, మనము పొరపాట్లలో పడునట్లుగా పాపము మన ఆలోచనను పాడుచేసింది. మనము పొరబడువారము గనుక, కొన్నిసార్లు బైబిలును తప్పుగా చదువుతాము, అసలు వైరుధ్యాలే లేని చోట ఉన్నాయని మనము ఊహించుకుంటాము.

ఇప్పుడు, ప్రజలు తమ్ముతాము విభేధించుకొనునప్పుడు, కొన్ని ప్రశ్నలు మరియు దయతో వినుట విషయాలను మరింత స్పష్టపరుస్తుంది అని సాధారణ సంభాషణల నుండి మనందరికీ తెలుసు. మంచిది, ఇదే సంగతి లేఖనము విషయములో కూడా వాస్తవము. కొన్నిసార్లు, లేఖనములు విభేదించుకొనుచున్నట్లుగా అనిపించవచ్చు, కానీ మరింత అన్వేషణ విషయములను స్పష్టపరుస్తుంది. ఉదాహరణకు, సామెతలు 26:4-5 వచనములు చూడండి:

వాని మూఢతచొప్పున మూర్ఖునికి ప్రత్యుత్తరమియ్యకుము ఇచ్చినయెడల నీవును వాని పోలియుందువు. వాని మూఢతచొప్పున మూర్ఖునికి ప్రత్యుత్తరమిమ్ము ఆలాగు చేయనియెడల వాడు తన దృష్టికి తాను జ్ఞానిననుకొనును (సామెతలు 26:4-5).

శతాబ్దాలుగా, ఈ వచనములు విభేదించుచున్నాయని సంశయవాదులు వాదించారు. తన మూఢత చొప్పున మూర్ఖునికి ప్రత్యుత్తరమియ్యకుము అని 4వ వచనము చెప్తుంది మరియు వాని మూఢతచొప్పున మూర్ఖునికి ప్రత్యుత్తరమిమ్ము అని 5వ వచనము చెప్తుంది. కాని సత్యము ఏమంటే “వాని మూఢతచొప్పున మూర్ఖునికి ప్రత్యుత్తరమిమ్ము” అనే మాటను ఈ రెండు వచనములు ఒకే అర్థములో ప్రయోగించుటలేదు. బదులుగా, ఒకదానిని ఎప్పుడు చేయాలి మరొకదానిని ఎప్పుడు చేయాలి అనేది మాత్రమే ఈ ఒక్కొక్క వచనము మనకు చెప్తుంది. కొంచెం జాగ్రత్తతో కూడిన ఆలోచనతో, ఈ వాక్యము వంటి వాక్యభాగాలు విభేదించుకొనుచున్నట్లుగా అనిపించవచ్చును కానీ, అవి నిజానికి విభేదించుకొనుటలేదు.

లేఖనము యొక్క బోధలను ఐక్యపరచుటకు క్రమబద్ధీకులు అంతగా ఎందుకు శ్రమిస్తారో ఈ ఉదాహరణ ఉదహరిస్తుంది. అబద్ధమాడని దేవుని నుండి లేఖనములు వస్తున్నాయి గనుక అవి తార్కికంగా సంగతమైనవే అనే ఆశతో వారు లేఖనములను చూస్తారు. ఇదే కాకుండా, కాని - విరుద్ధత అనే నియమమును జాగ్రత్తగా లేఖనములకు అన్వయించినప్పుడు, అగుపడుచున్న విభేదాలు తరచు అదృశ్యమౌతుంటాయి అని కూడా క్రమబద్ధీకులకు అనుభవపూర్వకంగా తెలుసు.

మనము వాటిని అపార్థము చేసుకొనుట వలన లేఖనములు మనకు వైరుధ్యాలు కలిగినవిగా కనబడుతున్నవి అని జ్ఞాపకముంచుకోవడం ఎంతో ప్రాముఖ్యమైయున్నది, మరియు మనము పరిమితమైనవారము గనుక అనేకసార్లు అవి అలా కనిపిస్తాయి. వాటిని మనము పూర్తిగా ఆకళింపుచేసుకొనలేము గనుక అవి తార్కికంగా అననుకూలమైనవిగా మనకు కనిపిస్తుంటాయి.

గుర్తుంచుకోండి, మన అపరిమితమైన దేవుడు గోచరింపశక్యము కానివాడు. కాబట్టి, పరిమితులైన సృష్టములకు తననుతాను బయలుపరచుకొనునప్పుడు, ఆయన వాక్యములు కొన్నిసార్లు మనకు విభేదించుకొనుచున్నట్లుగా అనిపిస్తాయి. దేవుడు లేదా లేఖనములు వాస్తవముగా తమనుతాము విభేదించుకొనుట వలన జరుగుతున్నది కాదు ఇది. కానీ, మనము పరిమితమైనవారమైనందున అవి ఎలా సంగతమైనవో కేవలం మనము అర్థము చేసుకోలేకపోతున్నాము గనుకనే అలా అనిపిస్తున్నాయి. కాబట్టి, బైబిలులోని వివిధ బోధల తార్కిక సానుకూలతను లేఖనము యొక్క జాగ్రత్తపూరిత అధ్యయనం గ్రహించలేకపోయినప్పుడు, మంచివారైన క్రమబద్ధీకులు లేఖనములను విసర్జించరు. కానీ, లేఖనములు సత్యములేగానీ వారు అగుపడుతున్న విభేదాలకు గల పరిష్కారమును కేవలం అర్థం చేసుకోలేకపోతున్నారని మాత్రమే భావిస్తారు.

రెండు సాంప్రదాయిక సిద్ధాంతములతో ఈ ధోరణి ఎలా పనిచేస్తుందో పరిశీలిద్దాం: దైవిక సర్వోత్కృష్టతా సిద్ధాంతము మరియు దైవిక అంతర్యామి సిద్ధాంతములను చూద్దాం. సృష్టించబడిన విశ్వములోని అన్ని పరిమితులను మించినవాడు దేవుడు, ఆయన విశాలము మరియు కాలమును సహితము మించినవాడు అని చెప్పే బైబిలు బోధను దైవిక సర్వోత్కృష్టతా సిద్ధాంతము తెలియజేస్తుంది. దేవుడు విశాలములోనూ మరియు కాలములోను కూడా పూర్తిగా నిమగ్నమైయున్నవాడు, సృష్టించబడిన విశ్వములోని ప్రతీవిషయములో నిమగ్నమైయున్నవాడు అని చెప్పే బైబిలు బోధను దైవిక అంతర్యామి సిద్ధాంతము తెలియజేస్తుంది. ఇప్పుడు, దేవుని గూర్చిన ఈ రెండు సత్యములను గూర్చి బైబిలు మాట్లాడుతుంది అనేది వాస్తవము కాకపొతే, ఈ రెండు భావనలు విభేదించుచున్నవి అని మనలో చాలా మంది ఆలోచిస్తాము. మొత్తానికి చూస్తే, సర్వోత్కృష్టత అనేది అంతర్యామితనమునకు వ్యతిరేకపదముగా భావింపబడవచ్చు కదా. ఆశ్చర్యమేమీలేకుండా, ఈ తార్కిక విభేదమును చాలా మంది వేదాంతపండితులు అనేక విధాలలో పరిష్కరించుటకు చూసారు.

కొన్ని క్రైస్తవ సాంప్రదాయాలు కర్మవాదములోనికి పడే ప్రమాదం ఉంది. దేవుని యొక్క అంతర్యామితనము పూర్తిగా కనిష్ఠీకరించబడునంతగా వారు దేవుని సర్వోత్కృష్టతను వక్కాణించారు. ఉదాహరణకు, కొంతమంది క్రైస్తవులు ఈ విధంగా మాట్లాడతారు. “దేవుడు విశాలతకు మరియు కాలమునకు చాలా దూరంలో ఉంటున్నాడు గనుక, ఆయన ప్రార్థనలకు జవాబునివ్వడు.” వేరొక మాటలలో చెప్పాలంటే, చారిత్రకమైన సంఘటనలకు దేవుడు స్పందనలేనివాడుగా ఉంటున్నాడు అని ఈ క్రైస్తవులు నమ్ముతారు – అనగా ఆయన ప్రార్థనకు స్పందించడు లేదా ఆ విషయానికోస్తే దేనికీ కూడా స్పందించడు అని వారు నమ్ముతారు.

ఇతర క్రైస్తవ బృందాలు, బహిరంగ ఆస్తికవాదమును అనుసరిస్తూ, సర్వోత్కృష్టతకు మరియు అంతర్యామితనమునకు మధ్యగల తార్కిక విభేదమును దేవుడు ఇకను ఎంతమాత్రమును సర్వోత్కృష్టమైనవాడుగా భావింపబడనంతగా ఆయన అంతర్యామితనమును ఉద్ఘాటించుట ద్వారా పరిష్కరించాలని ప్రయత్నించారు. బహుశ మీలో కొందరు క్రైస్తవులు ఈ విధంగా మాట్లాడుకోవడం వినే ఉంటారు. “దేవుడు మన ప్రార్థనలకు జవాబు ఇస్తాడు గనుక, ఆయన మనవలెనే విశాలతలోను కాలములోను పరిమితులుగలవాడై ఉండి ఉండవచ్చు.”

క్రైస్తవులు ఎందుచేత ఈ విధమైన దిశలలో వెళ్తారో అర్థం చేసుకోవడం ఇప్పుడు కష్టం కాదు. పరిపూర్ణ సర్వోక్కృష్టత మరియు పరిపూర్ణ అంతర్యామితనము అనేవి వైరుధ్యాలుగా అగుపిస్తాయి. మరియు ఈ విభేదమును పరిష్కరించుటకు ఒక మార్గము వేరొక దానిని పూర్తిగా తృణీకరించునంతగా ఒకదానినే ఎక్కువగా దృఢపరచడం.

కానీ లేఖనములే మనకు అంతిమ అధికారములు అనే విషయాన్ని మనం ఇలాంటి పరిస్థితిలోనే జ్ఞాపకం చేసుకోవాలి. మనము వేరొక విధంగా ఆలోచించాలని భావించినా, దేవుడు సర్వోత్కృష్టుడును, అంతర్యామియై కూడా ఉన్నాడు అని చెప్పుటకు లేఖనములో చాలా బలమైన ఆధారము ఉంది. ప్రార్థనను గూర్చి, దేవుడు అట్టి కొన్ని సంఘటనలపై సంపూర్ణంగా ఉన్నతమైన స్థితిలో ఉన్నాడు అనుటకు లేఖనము నుండి చాలా బలమైన వాదననే చేయవచ్చు. దేవుడు ప్రార్థనలను వింటాడు అనియు ఆయన ప్రార్థనలకు స్పందిస్తాడు అనియు కూడా లేఖనము నుండి చాలా బలమైన వాదననే చేయవచ్చు. మన పరిమితమైన మనస్సులలో ఇది తార్కికమైన పోరాటమును కలిగించునప్పటికీ, మనము ఈ రెంటిని కూడా సత్యములుగా అంగీకరించాలి. మరియు ఇటువంటి ఆలోచనలను మనము సఖ్యపరచలేకపోతే, ఈ అసమర్థతను మనం మన పరిమితులకే ఆపాదించాలి.

కాబట్టి, తమ సైద్ధాంతిక ఆలోచనలకు క్రమబద్ధీకులు ఎలా తార్కిక మద్దతును కూడగట్టుకోగలరో అనేదానిని మనము అన్వేషించుచుండగా, క్రమబద్ధతలకు ఈ తర్కము అనునది చాలా ప్రాముఖ్యమైన విలువగల సామర్థ్యత అని ఒకప్రక్క మనము గుర్తించాలి. మరొక ప్రక్క, కొన్నికొన్ని సందర్భాల్లో లేఖనములు అనునవి తార్కిక విశ్లేషణకు అందనివిగా ఉన్నాయని జాగ్రత్తతో కూడిన బైబిలు అనువాదము స్పష్టపరిస్తే, మన తర్కము కూడా చాలా పరిమితమైనదేనని మనము ఇంకను జ్ఞప్తికితెచ్చుకోవాలి. తర్కము యొక్క అధికారముపై బైబిలు యొక్క అధికారము గెలుస్తుంది.

క్రమబద్ధతలలో తర్కమునకు చాలా పరిమితమైన అధికారమే ఉన్నదని గుర్తించుట ఎంత ప్రాముఖ్యమో, బైబిలు వాక్యభాగముల నుండి అనేకమైన భావములను రాబట్టడానికి తర్కము అనేది దోహదపడుతుంది అని చూడడం కూడా అంతే ప్రాముఖ్యమైన ఉన్నది.

క్రమబద్ధీకులు లేఖనమును పరిగణించునప్పుడు బైబిలులోని వ్యక్తమైన బోధల జాబితాను సిద్ధపరచుటములోనే వారు కేవలం ఆసక్తి చూపడం లేదు. దాని అవ్యక్తమైన బోధలను కూడా రాబట్టడానికి అదే ఆసక్తితో ఉన్నారు.

చాలా విషయాలను బైబిలు గట్టిగా మరియు సరళంగా సంబోధిస్తుంది. కానీ అదే సమయంలో, ప్రతీ బోధ యొక్క ప్రతీ కోణమును అది గట్టిగా సంబోధించుటలేదు. ఫలితంగా, క్రమబద్ధీకులు లేఖనముతో పనిచేయునప్పుడు లేఖనములోని వ్యక్తమైన బోధల నడుమ గల ఖాళీలను పూరించవలసిన అవసరతను వారు తరచూ ఎదుర్కొంటూ ఉంటారు. మరియు లేఖనము యొక్క వ్యక్తమైన బోధల వెనుక గల ఊహలను కూడా రాబట్టవలసిన అవసరతను వారు ఎదుర్కొంటారు. క్రమబద్ధ వేదాంతశాస్త్రములో తర్కమునకున్న అత్యంత ప్రాముఖ్యమైన విలువలలో ఒకటి, నిగమన తర్కము ద్వారా లేఖనము యొక్క అవ్యక్త బోధలను గ్రహించుటకు అది మనకు సామర్థ్యతనిస్తుంది.

“నిగమన తర్కము” అనే పదము ఈ క్రింది విధంగా నిర్వచింపబడగల ఒక విధపు తార్కిక హేతువాదమును సూచిస్తుంది.

ప్రమేయముల నుండి అవసరమగు తేరుగడలను తర్కించే ఒక విధానమునే వ్యవకలనం అంటారు.

ఈ నిగమన తర్కము యొక్క తేరుగడలను మనము “అవసరమైనవి” అని అంటాము, ఎందుకంటే వాటి ప్రమేయములు వాస్తవమైనంత వరకు అవి నిస్సందేహంగా వాస్తవమైనవి. వాదము యొక్క ప్రమేయములలో ఉన్న అవ్యక్త ఆలోచనలను మాత్రమే మనము తీసుకుని, తేరుగడలో వాటిని వ్యక్తముగా చేస్తాము. క్రమబద్ధ వేదాంతశాస్త్రము విషయములో, లేఖనములు ఈ ప్రమేయమును లేదా ఆ ప్రమేయమును బోధిస్తున్నాయి అనే తీర్పులను ఒకసారి క్రమబద్ధీకులు నిర్ధారించిన తరువాత, లేఖనముల నుండి అనేకమైన భావములను వారు రాబట్టగలరు.

ఈ సులువైన ఉదాహరణను తీసుకోండి – ఈ ప్రమేయమును మనము లేఖనములో కనుగొంటాము. “ఒక వ్యక్తి క్రీస్తునందు విశ్వసించితే, అప్పుడు ఆ వ్యక్తి రక్షింపబడతాడు.” ఆ తరువాత లేఖనములో మనము ఈ ప్రమేయమును కనుగొంటాము: “బాప్తిస్మమిచ్చు యోహాను క్రీస్తునందు విశ్వసించాడు.” ఈ రెండు ప్రమేయములు ఒకవేళ వాస్తవమైనట్లయితే, “బాప్తిస్మమిచ్చు యోహాను రక్షింపబడతాడు” అని మనము తార్కికంగా చెప్పవలసిన అవసరత ఉంటుంది. ఈ తేరుగడను రాబట్టడానికి లేఖనములోని బోధకు ఏమాత్రమూ కలుపవలసిన అవసరత ఉండదు. అప్పటికే సూచింపబడిన ఒక సంగతిని స్పష్టముగా తెలియపరచడం మాత్రమే జరుగుతుంది.

ఈ రెండవ ఉదాహరణను పరిగణించండి – లేఖనములు ఈ ప్రమేయమును బోధిస్తున్నాయని క్రమబద్ధీకులు ఒకవేళ స్థాపిస్తున్నారు అనుకుందాం: “ఒకవేళ క్రీస్తు పునరుత్థానుడైతే, అప్పుడు ఆయన ప్రభువు అవుతాడు.” వేరొక మాటలలో చెప్పాలంటే, క్రీస్తు ప్రభువు అని చెప్పడానికి ఆయన పునరుత్థానమే సరిపడేంత ఋజువు అని లేఖనములు బోధిస్తున్నాయి. అనేకమైన బైబిలు వాక్యభాగముల సరియైన వివరణతో ఈ ప్రమేయమును స్థాపించవచ్చు. రెండవదిగా, క్రమబద్ధీకులు లేఖనములో ఈ క్రింది విషయమును చూచారు అనుకుందాం: “క్రీస్తు పునరుత్థానుడయ్యాడు.” ఈ ప్రమేయమును కూడా అనేకమైన వాక్యభాగములను పరిశీలించడం ద్వారా స్థాపించవచ్చు. కానీ ఈ రెండు ప్రమేయములను స్థాపించిన తరువాత, క్రమబద్ధ వేదాంతపండితులు ఈ క్రింది తేరుగడకు రాగలరు: “కాబట్టి, క్రీస్తు ప్రభువే.” ప్రమేయము ఒకటి: ఒకవేళ క్రీస్తు పునరుత్థానుడైతే, అప్పుడు ఆయన ప్రభువు. ప్రమేయము రెండు: క్రీస్తు పునరుత్థానుడయ్యాడు. ముగింపు: “కాబట్టి, క్రీస్తు ప్రభువే.” ఈ హేతుపక్షవాదము యొక్క తేరుగడ తార్కికంగా నిశ్చయము.

నిగమన వాదనల యొక్క ప్రమేయములు నిశ్చయమైనంత వరకు, తేరుగడ కూడా నిశ్చయమౌతుంది. ఇప్పుడు, వాస్తవిక వేదాంతపర చర్చల్లో, నిగమన వాదనలు చాలా తరచుగానే నేరుగా చెప్పబడతాయి. చెప్పబడిన సంగతి యొక్క ఉపరితలమునకు క్రిందభాగాన అవి ఉంటాయి, ఎందుకంటే తమ వాదనలు వివరించబడవలసిన అవసరత లేనంతగా సుస్పష్టంగా ఉంటాయి అని వేదాంతపండితులు నమ్ముతారు. ఉదాహరణకు, యేసు ఈ క్రింది మాటలు పలికిన యోహాను 14:6 నుండి క్రమబద్ధీకులు ఈ విధమైన ప్రమేయమును ఏర్పరచడం అనేది చాలా సాధారణం:

నా ద్వారానే తప్ప ఎవడును తండ్రియొద్దకు రాడు (యోహాను 14:6).

ఈ వచనమును ఆధారము చేసికొని అప్పుడు వారు ఈ విధంగా చెప్పవచ్చు, “క్రీస్తునందు విశ్వాసము మాత్రమే రక్షణకు ఏకైక మార్గము.”

అనేక సందర్భాలలో, వాదనను గూర్చిన ఈ సారాంశం అనేది సరిపోయినదానికంటే కూడా ఎక్కువే అని అనుకోవడములో క్రమబద్ధీకుడు సరిగానే ఆలోచిస్తున్నాడు. కాని ఈ వాదన అనేది చాలా సంక్లిష్టమైనది, మరియు కొన్నిసార్లు ఈ సంక్లిష్టతలను వ్యక్తపరచాలి అని కూడా మనము గుర్తించాలి.

వాస్తవిక క్రమబద్ధ వేదాంతశాస్త్రములలో, తమ నమ్మకములకు అత్యంత సహాయకరమైన మరియు అత్యంత బలమైన మద్ధతును ఇస్తాయని వారు నమ్మే ప్రమేయములను మాత్రమే వేదాంతపండితులు అందిస్తారు. కొన్నిసార్లు ఎంతో ఎక్కువగా ఊహించబడుతుంది గనుక నిగమనము కుదించబడుతుంది, కానీ ఇతర సమయములలో నిగమనములు మరింత వివరణాత్మకముగా చెప్పబడతాయి.

అన్ని సంఘటనలలో, బైబిలు బోధల యొక్క తార్కిక భావములను రాబట్టడం అనేది క్రమబద్ధీకులు వేదాంతపరమైన సిద్ధాంతములను నిర్మించుటకు గల ప్రధానమైన మార్గములలో ఒకటి. బైబిలులోని సమాచారము యొక్క పొరల వెంబడి పొరలను వారు సమన్వయపరచుచుండగా, ఆ ప్రక్రియలోని అధిక భాగము లేఖనములలో వారు కనుగొనిన వాటియొక్క భావములను రాబట్టడం.

మనము చూచినట్లుగా, క్రమబద్ధ వేదాంతపండితులు సిద్ధాంతములను ఏర్పరచునప్పుడు వారు నిగమన తర్కమును అన్వయిస్తారు. మరియు వారి ప్రమేయములు వాస్తవమైనప్పుడు, వారి నిగమన తేరుగడలు సంపూర్ణంగా నిశ్చయమౌతాయి. కాని ఒకటి లేదా వేరొక స్థాయిలో, క్రమబద్ధీకులు ప్రేరణాత్మక తర్కమును కూడా అన్వయిస్తారు. ఈ సమయములో మనము ఎదుర్కొనే ప్రశ్న ఈ క్రింది విధంగా ఉంది: క్రమబద్ధ వేదాంతశాస్త్రమునకు ప్రేరణాత్మక తర్కము అనునది ఎటువంటి తార్కిక నిశ్చయతను తెస్తుంది?

ప్రేరణాత్మక నిశ్చయతను అనేక విధాలలో నిర్వచించవచ్చును గానీ, దానిని ఈ క్రింది విధంగా చెప్తే మనకు సరిపోతుంది:

విశేషమైన సత్యముల నుండి కనుపడే తేరుగడలను ఆలోచన చేసే విధమునే ప్రేరణాత్మక తర్కము అంటారు.

క్రమబద్ధ వేదాంతశాస్త్రము విషయములో, మన దృష్టిలోనికొచ్చే ప్రాధమిక సత్యాలు ఏవనగా లేఖనము యొక్క సత్యాలు – దీనిని లేదా దానిని లేఖనము ఎలా బోధిస్తుంది. ఈ విశేషమైన బైబిలు సత్యముల నుండి, క్రమబద్ధీకులు కనుపడే తేరుగడలను రాబడతారు.

క్రమబద్ధ వేదాంతశాస్త్రములో ప్రేరణ అనునది ఎలా పనిచేస్తుందో అన్వేషించాలంటే, మూడు విషయాలను మనం స్పృశిస్తాము: మొదటిది, ఈ ప్రేరణలోని రకములు; రెండవది, ప్రేరణాత్మక ఖాళీ; మరియు మూడవది, క్రమబద్ధ వేదాంతశాస్త్రమునకు ప్రేరణ యొక్క భావములు. మొదటిగా మనము ప్రేరణలోని రకములను చూద్దాం.

రకములు. అనేక కోణాలలో, మనము మునుపు చూచినట్లుగానే ప్రేరణ అనునది రెండు విధాలుగా ముందుకు వెళ్తుంటుంది. ఒక ప్రక్కన, మనము పునరావృత ప్రేరణను గూర్చి, అనగా ఒకే సత్యమును మరలా మరలా పునరావృతపరచు విశేషమైన సత్యముల నుండి మనము తేరుగడలను రాబట్టిన ఆ సందర్భములను గూర్చి మాట్లాడవచ్చు. మరియు మరొక ప్రక్కన, మిశ్రమ ప్రేరణను గూర్చి, అనగా కొన్ని మిశ్రమమైన సత్యములను కలిపి ఏర్పరచునట్లుగా కొన్ని విశేషమైన సత్యములను మనము రాబట్టిన ఆ సందర్భములను గూర్చి కూడా మనము మాట్లాడవచ్చు.

బైబిలు బయట నుండి పునరావృత ప్రేరణకు గల ఉదాహరణను గూర్చి ఆలోచన చేయండి. నేను ఒక హంసను చూచాను మరియు అది తెల్లగా ఉంది అనుకోండి, అప్పుడు నేను మరొక హంసను చూచాను అది కూడా తెల్లగానే ఉంది, మరొక హంసను చూచాను మరియు అది కూడా తెల్లగానే ఉంది, మరియు మరొక హంసను చూచాను అది కూడా తెల్లగానే ఉంది. ఇటువంటి అనుభవమును నేను లక్షలసార్లు పొందుకొనిన తరువాత, “హంసలు అనేవి అన్నియు తెల్లగానే ఉంటాయి” అను తేరుగడలోనికి రావడమును బట్టి నేను సంతృప్తి చెందుతాను.

ఇప్పుడు ఈ మిశ్రమ ప్రేరణకు గల ఉదాహరణను గూర్చి ఆలోచించండి, అనగా ఒక మిశ్రమమైన తేరుగడకు చేరునట్లు కొన్ని విశేషమైన సత్యముల నుండి మనము ఆలోచించే ఆ సందర్భాలను గూర్చి ఆలోచించండి. మన దైనందిన జీవితములో మనము ఎప్పుడూ ఇలా చేస్తూనే ఉంటాము. నేను మా ఇంటికి వెళ్లినప్పుడు నా ఇంటి తలుపు కొంచెం తెరిచి ఉన్నట్లుగా ఊహించుకోండి. నేను లోనికి చూచి అందులోని సామగ్రి కొంచెం కదిలింపబడి ఉండడం చూచినట్లు ఊహించండి. ఇంకా ఇంటిలోనికి చూచి వెనుక తలుపు నుండి ఒక అపరిచితుడు నా టి.వి ను మోసుకొని వెళ్లిపోవడం నేను చూచాను అనుకుందాం. నేను ఏమని చెప్పగలను? అన్ని విధాలుగా చూస్తే ఈ సమాచారమంతటినీ కలిపి “నేను దొంగిలించబడుతున్నాను” అని చెప్పడానికి చాల నిశ్చయత కలిగి ఉంటాను. ఇది మిశ్రమమైన ప్రేరణ, అనగా ఒక సమగ్ర తేరుగడకు రావడానికి అన్ని విధములైన సమాచారమును ఒకచోటికి తేవడం.

క్రమబద్ధ వేదాంతపండితులు లేఖనములతో పనిచేస్తుండగా, వారు ఈ రెండు విధములైన ప్రేరణలు కూడా చేస్తారు. ఒక ప్రక్కన, వారు పునరావృత ప్రేరణతో పనిచేస్తారు, ఒక విషయము ఎల్లప్పుడూ వాస్తవమే అని అనిపించేంతగా బైబిలులో మరలా మరలా పునరావృతమైన ఒకే అంశములను వారు కనుగొంటారు. మరొక ప్రక్క, బైబిలులోని ఈ సత్యము మరియు ఆ సత్యము కలిసి సమగ్రమైన తేరుగడలను ఏర్పరచగలవు అని వారు కనుగొనే మిశ్రమ ప్రేరణను కూడా వారు ఏర్పరచుతారు. క్రమబద్ధ వేదాంతశాస్త్రము యొక్క ప్రక్రియలలో ఈ రెండు విధములైన ప్రేరణలు కూడా అవసరమే.

ప్రేరణను గూర్చిన ఈ రెండు ప్రక్రియలను మనస్సులో ఉంచుకొని, ప్రేరణాత్మక తర్కములోని ప్రాముఖ్య అంశమైన ప్రేరణాత్మక ఖాళీ అనుదానిని చూద్దాము.

ప్రేరణాత్మక ఖాళీ. ప్రేరణాత్మక వాదనలలో, ప్రమేయములలో ఉండని కొంత సమాచారమును తేరుగడలు తరచు కలుపుతుంటాయి. ప్రమేయములను దాటుకొని కూడా అవి కొన్నిసార్లు వెళ్తుంటాయి. ఫలితంగా, మనము పరిశీలింపదగిన దానికి మరియు తేరుగడ రాబట్టగలిగిన దానికి మధ్య కొంత దూరము అనేది ఉంటుంది. మనకు తెలిసినదానికిని మరియు ప్రేరణాత్మక వాదములో మనము రాబట్టే తేరుగడకు మధ్యగల ఈ దూరాన్నే “ప్రేరణాత్మక ఖాళీ” అనే మాట ద్వారా తార్కికులు సూచిస్తుంటారు.

మనము ఇంతకు ముందు ప్రస్తావించిన ఉదాహరణలను గూర్చి మరలా ఆలోచించండి. మొదటిది, పునరావృత ప్రేరణకు ఉదాహరణ. ఒక హంసను చూచి, “ఈ హంస తెల్లగా ఉంది” అని చెప్తే మరియు మరొక హంసను చూచి “ఇది కూడా తెల్లగా ఉంది అని చెప్తే” ఇలాగే కొన్ని లక్షల సార్లు చేస్తే; హంసలన్నియు కూడా తెల్లగానే ఉంటాయి అని చెప్పడములో మనము దృఢనిశ్చయత కలిగి ఉంటాము. లక్షల హంసలు తెల్లగా ఉన్నాయని చెప్పుటకును మరియు హంసలన్నియు తెల్లగానే ఉంటాయి అని చెప్పుటకును మధ్య చాలా పెద్ద తేడానే ఉంది. హంసలన్నియు తెల్లగానే ఉంటాయి అనే తేరుగడ కనుపడేదే, కానీ అది పూర్తిగా నిశ్చయమైనది అయితే కాదు. మన పరిశీలనలకును మరియు మన తేరుగడలకును మధ్య కొంత ప్రేరణాత్మక ఖాళీ అనేది ఉంది.

కాబట్టి, హంసలన్నియు తెల్లగానే ఉంటాయి అనే మాట మనము పరిశీలించినదాని ఫరిదిని మించినదని మనకు తెలిసియుండగా, హంసలన్నియు తెల్లగానే ఉంటాయి అనే తేరుగడకు వచ్చునట్లు మనలను చేసేది ఏది? ఒక మాటలో చెప్పాలంటే, మనకు తెలిసిన వేరొక విషయాలనుండి కూడా మనము రాబడతాము. అనేక ఇతర అనుభవముల నుండి మనము రాబడతాము మరియు మనము ఇంగితముగా పిలిచేదాని నుండి అనగా – మన సాధారణ వ్యూహములో నుండి మనకు అర్థమౌతున్నది ఏది అనే దాని నుండి కూడా మనము పొందుకుంటాము . “నా మాటను ఋజువు చేయడానికి లక్షల హంసలను చూస్తే చాలు” అని మనతో మనము అనుకుంటాము.

మిశ్రమ ప్రేరణ విషయములో కూడా ఇదే వాస్తవము. నా ఇల్లు దొంగిలించబడినది అని నేను ఎలా చెప్పానో మీకు గుర్తుందా? నేను నా తలుపు తెరచి ఉండడం చూచాను, కదిలిన సామాగ్రిని, మరియు ఒక వ్యక్తి నా టి.వి.ని మోయడం కూడా చూచాను. నేను దొంగిలింపబడ్డాను అనే హేతుబద్ధ లేదా కనుపడే తేరుగడకు నేను చేరునట్లు ఈ పరిశీలనలు అన్నీ నన్ను నడిపించాయి. కానీ ఈ తేరుగడ పూర్తిగా నిశ్చయమైనది కాదు. అది కేవలం కనుపడేదే. బహుశ, ఆ వ్యక్తి దూరదర్శినిని బాగుచేసే వాడే కావచ్చు. ఆయన వేరొక ఇంటికి వెళ్లబోయి నా యింటికి వచ్చి ఉండవచ్చు. నా తేరుగడ తప్పు అని చెప్పడానికి అనేకమైన ఇతర కారణాలు కూడా చూపించవచ్చు. మరొకసారి, మనము ప్రేరణాత్మక ఖాళీని ఎదుర్కొంటున్నాము.

కాగా నేను దొంగిలింపబడ్డాను అని చెప్పడానికి నన్ను నడిపించినవి ఏవి? ఆ ప్రేరణాత్మక ఖాళీని పూరించుటకు నాకు సహకరించినవి ఏవి? ఒకడు నన్ను దొంగిలించాలని అనుకుంటే తప్ప ఎవడును నా ఇంటిలో ఇలా చొరబడడు అని పూర్వ అనుభవము నుండి మరియు సాధారణ సాంస్కృతిక ప్రభావముల నుండి నేను అప్పుడు ఊహించుకున్నాను.

క్రమబద్ధ వేదాంతపండితులు తమ సిద్ధాంతములను నిర్మించుచుండగా, ప్రేరణాత్మక ఖాళీ అనే పరిమితులను వారు ఎదుర్కోవలసి ఉంటుంది గనుక ఈ ప్రేరణాత్మక ఖాళీని జ్ఞాపకముంచుకోవడం మంచిది. వారు లేఖనముల నుండి మరియు లేఖనము నుండి రాబట్టిన వేదాంతపరమైన ప్రతిపాదనల నుండి ఏర్పరచుకొనుచుండగా, క్రమబద్ధీకులు లోతుగా ప్రేరణాత్మక తర్కములో నిమగ్నమౌతున్నారు. మనము చూచినట్లుగానే, వారి తేరుగడలు సంపూర్ణంగా నిశ్చయమైనవి కావు అని అర్థము. అవి బహుశ ఆకర్షణీయంగా ఉండవచ్చు, లేదా స్థిరపడిన తీర్పులు కూడా కావచ్చు కాని అన్ని వివరాలలో సంపూర్ణమైన నిశ్చయతగలవి కావు ఎందుకంటే అవి ప్రేరణమీద ఆధారపడి ఉన్నాయి. ఒకటి లేదా మరొక స్థాయిలో, క్రమబద్ధీకులు అన్ని సమయాల్లో ప్రేరణాత్మక ఖాళీని ఎదుర్కొంటారు.

దురదృష్టవశాత్తు, తమ సైద్ధాంతిక చర్చలు ప్రేరణపై ఆధారపడి ఉన్నవనియు మరియు వారు ప్రేరణాత్మక ఖాళీని ఎదుర్కొంటున్నారు అనియు కొన్నిసార్లు క్రమబద్ధీకులు మరచిపోతుంటారు. కాబట్టి, వారు ఋజువుపరచిన వాటిని మించి ముందుకు పోయే ప్రకటనలను తరచూ వారు చేస్తుంటారు. బెర్కాఫ్ రచించిన సిస్టమాటిక్ థియాలజి నాల్గవ భాగం 10వ అధ్యాయములోని “పరిపూర్ణతావాదమునకు అభ్యంతరములు” అను శీర్షిక ఉదాహరణను మరొకసారి పరిగణించండి. తన చర్చలో ఒక పర్యాయము, బైబిలులోని అనేకమంది పరిశుద్ధులను బెర్కాఫ్ ప్రస్తావిస్తున్నాడు. యోబు 9:3లో యోబును, కీర్తనలు 32:5; 130:3; మరియు 143:2లో కీర్తనకారుడు; సామెతలు 20:9లో ముని; యెషయా 64:6లో యెషయా; దానియేలు 9:16లో దానియేలు; మరియు రోమీయులకు 7:14లో పౌలు. ఈ ఉదాహరణల ఆధారంగా, బెర్కాఫ్ ఈ విధంగా తేల్చాడు:

బైబిలులోని పరిశుద్ధులు నిత్యమూ తమ పాపములను ఒప్పుకున్నట్లుగా [లేఖనములో] సూచించబడ్డారు.

ఇప్పుడు, ఈ తేరుగడ వాస్తవమైనదిగా మనము నమ్ముతున్నంతగా – మరియు ఇది నిజమేనని ఇతర పరిగణలు కూడా చూపుతున్నాయని నేను అనుకొంటున్నాను – బెర్కాఫ్ యొక్క తేరుగడ కూడా ప్రేరణాత్మక ఖాళీ అనే సమస్యనే ఎదుర్కొంటుంది. పరిశుద్ధులు నిత్యమూ తమ పాపములను ఒప్పుకున్నట్లుగా సూచింపబడ్డారు అని ఆయన చూపిన ఆధారమును బెర్కాఫ్ ఎక్కువగానే వక్కాణించాడు. ఇది జరిగిన తొమ్మిది పర్యాయములను మాత్రమే ఉదాహరణగా ఆయన చూపాడు. కేవలం తొమ్మిది ఉదాహరణలే పరిశుద్ధులు నిత్యమూ తమ పాపములను ఒప్పుకొన్నట్లుగా బైబిలు చెప్తుంది అని నిరూపించలేవు. ఈ విధంగా ప్రయాసపడని ఒక బైబిలు విశ్వాసి యొక్క ఉదాహరణను చూపించగలిగితే ఈ ప్రకటనను నిరర్థకము చేయవచ్చు. ప్రతి వాక్యభాగమును బెర్కాఫ్ సరిగానే విశదపరచాడు అని అనుకొంటూ మనము రాబట్టగలిగే ఏకైక పరిపూర్ణ నిశ్చయ తేరుగడ ఇదియే: “బైబిలు పరిశుద్ధులు కొన్నిసార్లు తమ పాపములను ఒప్పుకొన్నట్లుగా [లేఖనములో] చెప్పబడ్డారు.”

“పరిశుద్ధులు నిత్యమూ పాపములను ఒప్పుకున్నవారిగా ఉన్నారు” అని తేల్చి చెప్పుటకు ఎందునిమిత్తము బెర్కాఫ్ అంతటి నిశ్చయతతో ఉన్నాడు? తనకున్న తక్కువైన ఆధారముల నుండి ఈ పెద్ద తేరుగడను రాబట్టుటకు గల మధ్య ప్రేరణాత్మక ఖాళీని ఎలా పూరించాడు? జవాబు చాలా సుళువు: తన విశాలమైన క్రైస్తవ కోణంలో నుండి తనకున్న సమాచారముతో మన సాధారణ జీవితములో మనము చేసినట్లుగానే ఆయన ఆ ప్రేరణాత్మక ఖాళీని పూరించాడు. ఆయన నమ్మిన అనేక విషయములతో మరియు తన చదవరులు నమ్ముతారని ఆయన అనుకొన్న విషయములతో అది ఏకీభవిస్తుంది గనుక ఈ తేరుగడతో ఆయన సంతృప్తిచెందాడు. ఆయన చూపించిన ఆధారమును మించి కూడా తన తేరుగడ మరింత దూరము ముందుకు వెళ్లింది అనే విషయాన్ని మనమందరమూ గమనించాలి.

ఇప్పుడు ప్రేరణాత్మక నిశ్చయతను గూర్చిన మూడవ అంశమునకు మళ్లుటకు మనము సిద్ధంగా ఉన్నాం. క్రమబద్ధ వేదాంతశాస్త్రములో సిద్ధాంతములకు ఎంతో అవసరమైన ప్రేరణాత్మక ప్రక్రియల భావములు ఏమిటి?

భావములు. మనము చూచిన దానిలో నుండి నేర్చుకొనుటకు కనీసం మనకు రెండు విషయాలు ఉన్నాయి: మొదటిది, ప్రేరణాత్మక ఖాళీని మనము తగ్గించాలి మరియు రెండవది, ప్రేరణాత్మక ఖాళీని మనము జ్ఞాపకముంచుకోవాలి.

మొదటి స్థానములో, మన తేరుగడలలో సాధ్యమైనంత వరకు నిశ్చయత ఉండుటకుగాను ప్రేరణాత్మక ఖాళీని తగ్గించుటకు సాధ్యమైనంత కష్టపడి పనిచేయుట ప్రతి విశ్వాసి యొక్క బాధ్యతయై ఉన్నది. క్రమబద్ధ వేదాంతశాస్త్రములో వేదాంతపరమైన చర్చలతో మనము పాటుపడుతుండగా, ఒక ఆలోచనను గూర్చి సాధ్యమైనంత బలమైన వాదనను వినిపించడం అనేది తరచూ ఒక ప్రధానాంశంగా ఉంటుంది. ఇది చేయుటకు, మన ఆధారమునకు మరియు మన తేరుగడలకు మధ్య దూరాన్ని మనము తగ్గించాలి.

ఇలా చేయుటకు ఒక మార్గం ఒకే తేరుగడను సూచించునటువంటి అనేక బైబిలు ఆధారాలను పోగుచేయడం. ఎంత ఎక్కువ ఆధారము ఉంటే, మన తేరుగడ అంత వాస్తవము అవ్వడానికి అవకాశము ఉంటుంది. ఉదాహరణకు, “బైబిలులోని పరిశుద్ధులు నిత్యమూ తమ పాపములను ఒప్పుకున్నట్లుగా [లేఖనములో] చూపబడ్డారు” అనే బెర్కాఫ్ యొక్క తేరుగడ ఆయన కేవలం తొమ్మిది ఉదాహరణలు మాత్రమే ప్రస్తావించినందున చాలా ఖాళీని కలిగియున్నదిగా అనిపిస్తుంది. కానీ ఆయన ఒక వంద ఉదాహరణలు ప్రస్తావించి ఉంటే, ఆయన యొక్క తేరుగడ మరింత దృఢంగా ఉండేది. 1000 ఉదాహరణలు ఇవ్వడానికి ఆయన సమయాన్ని తీసుకొని ఉంటే, ఆయన తేరుగడ ఎక్కువగా ప్రస్తావించబడినట్లుగా ఉండేది కానీ ఇంకను మరింత నిశ్చయముగా ఉండేది. ఇప్పుడు, ఇన్ని ఉదాహరణలను కనుగొనడం అంతటి ప్రయోగాత్మకమైనది కాకపోవచ్చు కానీ తన తేరుగడను మరింత తార్కిక నిశ్చయత మరియు బలము కలిగినదిగా అది చేసి ఉంటుంది.

సైద్ధాంతిక చర్చల్లో ప్రేరణాత్మక తర్కముతో మనము వ్యవహరించినప్పుడు, మనలను మరియు ఇతరులను గూర్చి ఇలా ప్రశ్నించుకోవడం ఎప్పుడూ చాలా అవసరం: ఒక ఆలోచన యొక్క వాస్తవికతావశ్యకతను నిరూపించడానికి సరిపోయినంత ఆధారము చూపబడినదా? తరచూ, ప్రేరణాత్మక ఖాళీని తగ్గించడానికి మరింత ప్రేరణాత్మక ఆధారము యొక్క అవసరతను మనము కనుగొంటాం.

మనము చూచినదాని యొక్క రెండవ ప్రయోగాత్మక భావము ఇది: ప్రేరణాత్మక ఖాళీని మనము పూర్తిగా తప్పించుకోలేము అనే విషయాన్ని మనము ఎల్లప్పుడు గుర్తుంచుకోవాలి. ఫలితంగా, కొన్ని వేదాంతపరమైన తేరుగడలు కొన్నింటితో పోల్చితే తక్కువగా సాధ్యపడవచ్చు లేదా ఎక్కువగా సాధ్యపడవచ్చు అని గుర్తించడం చాలా తెలివిగల పని అని గుర్తించాలి.

ఇతర పాఠములలో మనము చూచినట్లుగా, సైద్ధాంతిక తేరుగడలను నిశ్చయత కిరీటాకృతిగా ఆలోచించడం ఉపయోగకరంగా ఉంటుంది. గొప్ప నిశ్చయతతో మనము కలిగియున్న విశ్వాసాలు కొన్ని ఉన్నాయి, మరియు ఇవి కిరీటాకృతి యొక్క పైభాగమునకు ఎదుగుతాయి. ఇతర నమ్మకములను గురించి మనకు తక్కువ నిశ్చయత ఉంది, మరియు వాటిని మనం కిరీటాకృతి యొక్క క్రింది భాగాన ఉంచుతాము. మరియు ఆఖరుగా, చాలా తక్కువైన నిశ్చయతతో మనము కలిగియున్న నమ్మకాలు ఉన్నాయి, మరియు వీటిని మనము కిరీటాకృతి యొక్క అడుగు భాగాన ఉంచుతాము. మన ప్రేరణాత్మక తేరుగడల నిశ్చయతను గూర్చి మనం ఆలోచిస్తుండగా, ఈ మాదిరితో దానిని పరిగణించుటకు ఇది మనకు సహాయపడుతుంది.

ప్రత్యేకంగా, ప్రేరణాత్మక ఆధారము బలంగా ఉండి ప్రేరణాత్మక ఖాళీ తారతమ్యము చొప్పున చిన్నదిగా ఉంది గనుక కొన్ని నమ్మకముల విషయములో మనము మరింత నిశ్చయత కలిగి ఉండాలి. కాబట్టి, ఈ నమ్మకాలు కిరీటాకృతిలోని ఎగువ స్థానానికి వస్తాయి. మన నమ్మకముల వ్యవస్థలో ఈ సిద్ధాంతాలు స్థిరమైన తీర్పులుగా అయ్యాయి. కానీ ఇతర నమ్మకముల విషయములో ప్రేరణాత్మక ఆధారము అంతటి బలంగా లేదు, కాబట్టి వాటిని గూర్చి తక్కువ తార్కిక నిశ్చయతలో మనలను ఉంచుతుంది కానీ ప్రేరణాత్మక ఖాళీ చాలా ప్రాధాన్యమై ఉన్నది. ఫలితంగా, క్రమబద్ధ వేదాంతశాస్త్రములో చర్చలు ఏ ఆలోచన బైబిలు ఆలోచనకు దగ్గరగా ఉంటుంది, బైబిలును సూచించే విషయములో ఏ ఆలోచన మరింత సమగ్రంగా ఉంటుంది అనే అంశం వరకు వస్తుంటాయి.

ఉదాహరణకు, యేసు మహిమలో తిరిగి వస్తాడు అనే లేఖనము యొక్క బోధల ఆధారంగా రాకడశాస్త్రమును గూర్చి మనము చాలా నిశ్చయతతో ఉండవచ్చు. ఈ నమ్మకమునకు ప్రేరణాత్మక ఆధారము చాల బలంగా ఉంది కాబట్టి ఇది సందేహించబడనవసరం లేనిది. మన నిశ్చయతా కిరీటాకృతిలో ఇది పై భాగంలో ఉండాలి. కానీ యేసు ఎప్పుడు మరియు ఎలా తిరిగి వస్తాడు అనే విషయములను క్రైస్తవులు చర్చించునప్పుడు వారు వృద్ధిపరచిన కొన్ని సంఘటనల విషయములో ఆధారము చాలా బలహీనంగా ఉంది. కాబట్టి, మన నిశ్చయతా కిరీటాకృతిలో ఈ తేరుగడలు కొంత దిగువ స్థానములోనే ఉండాలి. క్రీస్తు రాకడను మనము గొప్ప నిశ్చయతతో ధృవీకరించగలము మరియు ధృవీకరించాలి కూడా. కానీ ఈ రాకడను గూర్చిన అనేక వివరముల విషయములో మనము సైద్ధాంతికంగా ఉంటే ప్రేరణాత్మక ఆధారమును కూడా దాటి పోతాము.

మనము నమ్ముతున్న ప్రతీవిషయమును గూర్చి సంపూర్ణమైన సారాంశ ఆధారము మనవద్ద లేదు అని మనతో మనము మరియు ఇతరులతో ఒప్పుకోవడములో ఏమీ తప్పు లేదు. తరచు, మనలను ఇతరులను మనము అడుగవలసిన సవాలు “ఈ సిద్ధాంతమును కేవలం ఇలా మాత్రమే అర్థం చేసుకోవాలి” అని చెప్పడం కాదు. కానీ, “ఈ సిద్ధాంతమును గూర్చిన ఈ అవగాహన ఇతర అవగాహనలకంటే ఉత్తమమైనదిగా ఉంది” అని చెప్పడం మంచిది. విశేషమైన ఒక ఆలోచన యొక్క ఆధారమును పరిశీలించుట ద్వారా మనము తోటి విశ్వాసులను కూడా ఇందులో ఫలభరితంగా నిమగ్నపరచవచ్చు.

సారాంశంగా, క్రమబద్ధ వేదాంతశాస్త్రములో చోటుచేసుకొనే సైద్ధాంతిక చర్చల్లో తర్కము అనేది చాలా ప్రాధాన్యమై ఉన్నది. బైబిలు బోధలను మనము సమన్వయపరచునప్పుడు మనము లేఖనమునకు లోనయ్యేట్టు తర్కమును ప్రయోగించాలి. వేదాంతపరమైన సిద్ధాంతములను మనము చర్చించుచుండగా, మనము ప్రస్తావిస్తున్న వివిధ అంశాలకు లేఖనముల భావములను కూడా రాబట్టడానికి మనం సిద్ధంగా ఉండాలి. కాని ఆఖరులో, సిద్ధాంతము యొక్క మానవ ఏర్పాటు అనేది ఏదీ కూడా అంతిమము కాదు అని వేదాంతపరమైన సిద్ధాంతముల ప్రేరణాత్మక ఆధారం మనకు జ్ఞాపకం చేయాలి. మనము నమ్ముతున్నదానిని వృద్ధిపరచుకొనుటకు ఎప్పుడూ మార్గాలు ఉంటాయి.

క్రమబద్ధతలలో సిద్ధాంతములను గూర్చి మరియు సిద్ధాంతములు ఎలా ఏర్పడతాయి అనే విషయములను గూర్చి మనకు సాధారణ ధోరణి ఇప్పుడు ఉన్నది గనుక, మనము మన మూడవ అంశమును చూడాలి, అది క్రమబద్ధతలలో సిద్ధాంతముల విలువలు మరియు ప్రమాదాలు.

వేదాంతపరమైన సిద్ధాంతముల విలువలు మరియు ప్రమాదాలను మనము అన్వేషించుచుండగా, క్రైస్తవ వేదాంతశాస్త్రం నిర్మించుటకు గల మూడు ప్రధాన వనరులపై సిద్ధాంతముల ప్రభావములను చూస్తూ మునుపటి పాఠములో అనుసరించిన విధానమును ఇక్కడ అనుసరిద్దాం.

దేవుని యొక్క సాధారణ మరియు ప్రత్యేక ప్రత్యక్షతల నుండి క్రైస్తవులు తమ వేదాంతశాస్త్రమును నిర్మించాలి అని మీకు గుర్తు ఉండే ఉంటుంది. ప్రధానంగా లేఖనము వివరణ ద్వారా ప్రత్యేక ప్రత్యక్షత యొక్క అవగాహన మనం పొందుకుంటాము, మరియు సమాజములో పాలుపంపులపై దృష్టించడం ద్వారా – అనగా ఇతరులనుండి, ప్రత్యేకంగా క్రైస్తవుల నుండి నేర్చుకోవడం ద్వారా –సాధారణ ప్రత్యక్షతలోని ప్రాముఖ్య అంశాలను మనము పొందుకోవచ్చు మరియు క్రైస్తవ జీవనముపై దృష్టించడం ద్వారా – అనగా క్రీస్తు కొరకు జీవించడంలో మన వ్యక్తిగత అనుభవముల ద్వారా – కూడా పొందుకోవచ్చు.

ఈ వనరులు చాలా క్లిష్టమైనవి గనుక, క్రమబద్ధతలోని సాంకేతిక పదాల యొక్క విలువలను మరియు ప్రమాదములను, ఒకొక్కటిగా పరిశీలించుదము. మొదటిగా సాంకేతిక పదాలు మరియు క్రైస్తవ జీవనమును చూద్దాము; రెండవదిగా, సమాజములో పాలుపంపులు మరియు సాంకేతిక పదాల సంబంధమును గూర్చి మాట్లాడుదము; మరియు మూడవదిగా, లేఖన వివరణతో వాటి సంబంధమును గూర్చి పరిశీలించుదము. క్రైస్తవ జీవనమను వేదాంత వనరును మొదట చూద్దాము.

మనము చూచినట్లుగా, క్రైస్తవ జీవనము అనునది వ్యక్తిగత పవిత్రీకరణకు సంబంధించినది, మరియు అది భావనల, ఆలోచనల మరియు భావోద్వేగాల స్థాయిలలో చోటుచేసుకుంటుంది. లేదా మనము చెప్పినట్లుగా: ఆర్తోడాక్సీ, ఆర్తోప్రాక్సిస్ మరియు ఆర్తోపాథోస్ స్థాయిలలో.

పవితీక్రణను సిద్ధాంతములు ప్రభావితము చేసే అన్ని మార్గాలను అన్వేషించుటకు మనకు సమయము అనుకూలించుటలేదు. కాబట్టి, క్రైస్తవ జీవనమును మెరుగుపరచే మరియు అవరోధించే ఒక మార్గమును మాత్రమే చూద్దాము. క్రీస్తు కొరకు జీవించునట్లు మనము చేసే ప్రయత్నములను సైద్ధాంతిక చర్చలు ప్రభావితము చేసే ఒక విధానమును మనము మొదటిగా చూద్దాము.

సాంప్రదాయిక వేదాంతపరమైన సిద్ధాంతముల ఉన్నతమైన లాభములలో ఒకటి మన విశ్వాసమును గూర్చి పెద్ద తరహాలో తార్కికంగా ఆలోచించుటకు అవి దోహదపడతాయి. మనము చూచినట్లుగానే, అనేక బైబిలు వాక్యభాగాలను తార్కికంగా సమన్వయపరచి వివరించుట ద్వారా సిద్ధాంతాలు ఏర్పడతాయి. దురదృష్టవశాత్తు, తాము నమ్ముతున్న దాని గూర్చి తార్కికంగా ఆలోచించడం చాలా మంది క్రైస్తవులకు తెలియదు. నిజానికి, వారు నమ్ముతున్న అనేక విషయములను తార్కిక సంబంధంలో ఆలోచించాలి అనే అభిప్రాయమును బాగా తెలిసిన క్రైస్తవులు నిజానికి కొన్నిసార్లు తిరస్కరిస్తుంటారు. బదులుగా, ఒకటి లేదా రెండు బైబిలు ప్రస్తావనల మీద మాత్రమే వారి నిర్ణయాలను ఆధారము చేసుకోవాలని అనుకుంటారు.

ప్రభుత్వమునకు పన్నులు చెల్లించకూడదు అని నిర్ణయించుకున్న ఒక యౌవనస్థునితో సంభాషించడం నాకు జ్ఞాపకముంది. ఆయన 1 కొరింథీయులకు 10:31ని ప్రస్తావించి ఇలా అన్నాడు, “దేవుని మహిమార్థమై నేను సమస్తమూ చేయబద్ధుడనైయున్నాను. కానీ పన్నులు చెల్లించడం అనేది దేవుని మహిమపరచడం అని నేను అనుకోవడం లేదు” అన్నాడు. అవును, అతని ఆలోచనలోని సగభాగముతోనైనా కనీసం నేను ఏకీభవించవలసిందే. మనము సమస్తము కూడా దేవుని మహిమ కొరకే చేయాలి అనేది వాస్తవము. కాని ఆయన అర్థం చేసుకున్న విధానం చాలా మితమైన బైబిలు సమాచారము నుండి గ్రహించబడింది; సంబంధితమైన ఇతర అనేక బైబిలు వాక్యభాగములచే తన నిర్ణయము నడిపింపబడలేదు.

ఈ యౌవనస్థుని వాదనలో తప్పేంటి? మనము ఎప్పుడూ గుర్తుంచుకొనవలసిన ఒక ప్రథాన లేఖన నియమమును అతడు మరచిపోయాడు. నేను ఈ విధంగా చెప్తుంటాను:

“నీవు విషయములన్నిటిని ఒకేసారి చెప్పలేవు. దేవుడు కూడా ఆయన అనుకున్నదంతా ఒకేసారి మనకు చెప్పడు.”

మన దైనందిన జీవితములో ఇది నిజమనేది మనకు తెలుసు. ఒక అంశమును గూర్చి మనము చెప్పదగిన ప్రతీ విషయమును ఒకేసారి చెప్పలేము. సమయము దానికి సహకరించదు. కేవలం కొన్ని విషయములు చెప్పడానికే మనము ఎన్నుకోవాలి. ఏ సమయములోనైనను మనము వారితో చెప్పదగిన కొన్ని సంగతులను ప్రజలు అర్థం చేసుకొనుటలో వారికి సహాయపడుటకు ఇతర విషయములను వారు జ్ఞాపకము ఉంచుకోవాలని మనము ఆశిస్తాము.

మంచిది, లేఖనములో దేవుడు మనతో మాట్లాడునప్పుడు కూడా ఇదే వాస్తవము. స్పష్టంగా మరియు వేగంగా విశాలమైన సమాచారమును అందించుటకు దేవుడు అసమర్థుడు గనుక ఇలా జరగడం లేదు. కానీ, పరిమిత సృష్టములుగా మనము వెంటనే మరియు సంగ్రహముగా ఆకళింపుచేసుకొనలేము గనుకనే ఇలా జరుగుతుంది. మన పరిమితత్వమునకు దేవుడు లేఖనమును అన్వయపరుస్తున్నాడు గనుక, ఒక అంశమును గూర్చి చెప్పబడగల సంగతులన్నిటినీ ఒకే వాక్యభాగము చెప్పదు. కాబట్టి, ఒక అంశమును గూర్చి మనము ఏమి నమ్మాలో అనే దాని సంపూర్ణ చిత్రము కొరకు, కేవలం ఒకటి లేదా రెండు బైబిలు వచనములపైనే మనము ఆధారపడకూడదు. మనము తెలుసుకొనవలసిన విషయములన్నిటినీ కేవలం ఆ కొన్ని వచనములు చెప్పలేవు. బదులుగా, విశాలమైన బైబిలు వాక్యభాగముల నుండి తార్కికమైన అనుబంధాలను మనము వెదకాలి.

ఉదాహరణకు, పన్నులు చెల్లించడమును గూర్చి నిర్ణయము తీసుకొనుటకు, ఒకటి కంటే ఎక్కువైన వేదాంత ప్రతిపాదనలను మనము పరిగణించవలసి ఉంది, ఉదాహరణకు: 1 కొరింథీయులకు 10:31 నుండి “సమస్తము కూడా దేవుని మహిమార్థమై చేయాలి.” అనేకమైన వాక్యభాగముల మిశ్రమ సంకలనము మనము చేయాలి. ఉదాహరణకు, 2 దినవృత్తాంతములు 28:21 “యెహోవా యొక్క భాగము మరియు రాజు యొక్క భాగము”నకు మధ్య వ్యత్యాసమును చూపుతుంది అని చూడాలి. మత్తయి 22:21లో క్రీస్తు అన్య ప్రభుత్వాలను గూర్చి కూడా మాట్లాడినప్పుడు ఈ క్రింది విధంగా తన శిష్యులకు చెప్పాడు:

కైసరువి కైసరునకును దేవునివి దేవునికిని చెల్లించుడని వారితో చెప్పెను (మత్తయి 22:21)

మరియు నిజంగా, ప్రభుత్వములు దేవునిచే నియమించబడినవి గనుక మనము వాటికి పన్నులను చెల్లించాలని పౌలు రోమీయులకు 13:6-7 వచనములలో చెప్పాడు. ఇప్పుడు, ఈ వేదాంతపరమైన ప్రతిపాదనలు చేయుటకు చాలా జాగ్రత్తపూరిత తార్కిక ఆలోచనలు అవసరం. కాని ఒక తార్కికమైన స్పష్ట సిద్ధాంతమును ఏర్పరచుటకు ఈ వాక్యములను గూర్చి ఆలోచించడం మన బాధ్యతయైయున్నది. మరియు మనమాలాగు చేసినప్పుడు, ప్రభుత్వములకు చెందినవాటిని వాటికి మనము ఇవ్వాలి.

లేఖనము యొక్క అనేక బైబిలు బోధలను తార్కికమైన స్పష్ట సిద్ధాంతములుగా సమన్వయపరచే సామర్థ్యత అనేది ప్రతి క్రైస్తవునికి ఉండవలసిన ఒక ప్రధానమైన నైపుణ్యత. ప్రేరణాత్మక మరియు నిగమన తర్కమును సరిగా ప్రయోగించుట ద్వారా బైబిలు బోధల యొక్క పెద్ద తరహా సమన్వయములను మనము చేయగలిగినప్పుడు, మన క్రైస్తవ జీవనమును మనము గొప్పగా మెరుగుపరచుకొనవచ్చు.

ఇప్పుడు, మనం నమ్ముదానిని తార్కిక విధానములో రూపించుటకు నేర్చుకోవడం అనేది ఎంతటి భావార్థకమైనదో, వేదాంతశాస్త్రములో తార్కిక ఆలోచనను ప్రయోగించడం వలన మన క్రైస్తవ జీవనమును సహితము అభ్యంతరపరచగలిగే కొన్ని అవరోధములు కూడా ఉన్నాయని మనము ఎరిగి ఉండాలి.

తార్కికంగా స్పష్ట వేదాంత సిద్ధాంతముల విలువను తెలుసుకొనిన క్రైస్తవులు చాలాసార్లు వివిధ సిద్ధాంతములతో వ్యవహరించుచుండగా వారు చేయవలసినదల్లా హేతుబద్ధంగా ఉండడం లేదా తార్కికంగా ఉండడమే అని ఆలోచిస్తూ ఉచ్చులో పడిపోతున్నారు. క్రైస్తవ జీవనములోని ఇతర అంశాలను వారు నిరలక్ష్యపరుస్తున్నారు మరియు వేదాంత ప్రక్రియను కేవలం ఒక హేతువాదమునకు, తార్కిక ప్రతిబింబములకు మాత్రమే కుదిస్తున్నారు. కాని మనము ఈ విధంగా ఆలోచించునప్పుడు, మన వేదాంత ప్రతిబింబములపైగల ప్రాముఖ్యమైన ప్రభావముల నుండి మనలను మనము దూరపరచుకొంటున్నాము.

ఈ పాఠము ప్రారంభంలో సిద్ధాంతములు అనునవి ప్రేరణాత్మక తర్కముపై నిర్మితమైయున్నవి, అవి ఆధారమునకు మరియు మనము రాబట్టుతున్న తేరుగడలకు మధ్య ప్రేరణాత్మక ఖాళీని కలిగిస్తున్నాయని మనం చూచాము. మన సాధారణ ఇంగిత జ్ఞానము మరియు ఒప్పుకోళ్ళు, ఆఖరుకు తార్కిక ప్రతిబింబమునకు పెద్ద విషయములుగా కూడా అనిపించని కొన్ని కారకములతో సహా, నుండి వచ్చే అనేక సంగతులతో ఈ ప్రేరణాత్మక ఖాళీని మనము పూరించవచ్చునని కూడా గమనించాము.

ఇది సత్యము గనుక, ఇతర దైవిక ప్రభావములను కఠినమైన తార్కిక విశ్లేషణ పూర్తిగా కప్పివేయునంతగా దానిని చేయకుండునట్లు మనము ఎప్పుడూ జాగ్రత్త వహించాలి. భక్తిపరంగా లేఖనములను చదువుటకు మనము ప్రేరేపించబడాలి, ఆత్మ యొక్క నడిపింపునకు స్పందిస్తూ ఉండాలి. ఇతర క్రైస్తవులతో సహవాసము నుండి మన ఒప్పుకోలునకు బలమును పొందుకొను నిమిత్తము వారితో సంప్రదించుటకు మనము ప్రేరేపించబడాలి. ఆయన దైవకృతములో మరియు మన మనస్సాక్షులలో నడిపింపును పొందుకొంటు క్రీస్తుతో నడచుటకు ప్రేరేపించబడాలి. ఈ విధములలో పవిత్రీకరించబడితేనే దేవునికిష్టమైన రీతిలో ఆ ప్రేరణాత్మక ఖాళీని మనము నింపుతున్నాము అనే నిశ్చయతను పొందుకోగలము. వేదాంతపరమైన తేరుగడలను చేసే ప్రక్రియను కేవలం ఒక తార్కిక వ్యాయామమునకు మాత్రమే కుదించుట వలన క్రైస్తవ జీవనము యొక్క పరిపూర్ణతలో దేవుడు మన కొరకు దాచి ఉంచిన ప్రధాన వనరుల నుండి మనలను మనము దూరపరచుకుంటాము.

క్రైస్తవ జీవనమునకు సిద్ధాంతాలు తెచ్చు ప్రయోజనాలను మరియు నిష్ప్రయోజనాలను తెలుసుకొనుటతో పాటుగా సమాజములో మన పాలుపంపులను అవి ఎలా ప్రభావితం చేస్తాయో తెలుసుకోవాలి.

మన జీవితములలో క్రీస్తు శరీరము యొక్క ప్రాధాన్యతపై దృష్టి సారించడానికి సమాజములో పాలుపంపులు మనకు సహాయపడతాయి. క్రైస్తవ సమాజంలో పాలుపంపుల యొక్క మూడు ప్రాముఖ్యమైన పరిమాణాలను గూర్చి మనము మాట్లాడుకోవచ్చు: క్రైస్తవ వారసత్వము – గతముకాల సంఘములో పరిశుద్ధాత్ముని యొక్క సాక్ష్యము – ప్రస్తుత క్రైస్తవ సమాజము – నేటికాలములో క్రైస్తవ జీవనము యొక్క సాక్ష్యము – మరియు వ్యక్తిగత తీర్పు – మన వ్యక్తిగత తేరుగడలు మరియు ఒప్పుకోళ్ల సాక్ష్యము. సమాజము యొక్క కోణాలు ఒకదానితో ఒకటి లెక్కలేనన్ని విధానాలలో పాలుపంపులు పొందుతాయి.

సమాజము యొక్క పాలుపంపుల ధాతువులను సిద్ధాంతాలు మెరుగుపరచగల మరియు అవరోధపరచగల విధాలలో కేవలం కొన్నింటిని మాత్రమే మనం చూద్దాము. సమాజములోని పాలుపంపులను సైద్ధాంతిక చర్చలు మెరుగుపరచగల ఒక ప్రాముఖ్యమైన విధానమును మొదటిగా మనము చూద్దాము.

బహుశ క్రైస్తవ జీవనముపై వేదాంత సిద్ధాంతముల యొక్క అత్యంత భావర్థకమైన ప్రభావము ఏమనగా అవి సంఘములో ఐక్యతను మరియు ఏకత్వమును తీసికొను వచ్చు విధానము. ఒకరితోనొకరు పాలుపంచుకొనుటకు మన సామర్థ్యతను మెరుగుపరచుకొనుటకు ఏదైనా మార్గం ఉన్నదా అంటే, అది లేఖనము యొక్క అనేక బోధల ద్వారా మరింత హేతుబద్ధంగా ఆలోచించుటకు మరింత సామర్థ్యతను పొందుకోవడమే.

పేదలకు గృహములను నిర్మించుటలో తమ వారాంతములను గడిపిన వాలంటీర్ల బృందాన్ని ఏర్పాటు చేసిన ఒక స్నేహితుడు నాకున్నాడు. అదొక గొప్ప పరిచర్య మరియు తన ప్రయత్నముల ద్వారా ఆయన చాలా మందిని ఆశీర్వదించాడు. ఒకసారి నేను ఆయనను, “నీ పథకములలో నీవు ఎదుర్కొనే అత్యంత పెద్దదైన సమస్య ఏది?” అని అడిగాను. వెంటనే ఆయన, “క్రొత్త ప్రజలు; అదే మా అతిపెద్ద సమస్య. వారికి మూలాలను నేర్పుటకు మేము చేయు పని అంతటిని ఆపివేయాలి. బృందమంతయు పనిని ముగించకుండా క్రొత్త ప్రజలు అంతరాయం కలిగించగలరు” అని బదులిచ్చాడు.

మంచిది, నా స్నేహితుని అనుభవము అనేక విధాలుగా క్రైస్తవ సమాజములో వేదాంతపరమైన సంప్రదింపులను నాకు జ్ఞాపకమునకు తెచ్చింది. క్రీస్తులోనికి క్రొత్తవారు రావడం ఎంతటి ఆశ్చర్యకరమైన సంగతియైనప్పటికీ, అది మనము చేపట్టవలసిన ఒక నిర్మాణ పథకమును పోలి ఉంది. క్రైస్తవ విశ్వాసము యొక్క సిద్ధాంతములలో తోటి విశ్వాసులకు తర్ఫీదునివ్వడం అనేది మనకు చాలా అవసరం, తద్వారా ఈ మూల బోధలను చూచుటకు మనము మాటిమాటికీ ఆగవలసిన ఆపనవసరం ఉండదు.

క్రైస్తవ్యంలో అత్యంత సుళువైన బోధలైనటువంటి విశ్వాసములో పాలను త్రాగుచున్న స్థాయి నుండి ముందుకు ఎదగకపోయినందున హెబ్రీ పత్రిక రచయిత తన చదువరులను మందలించిన విషయం మీకు జ్ఞాపకముండవచ్చు. హెబ్రీయులకు 5:12లో ఈ కింది విధంగా వ్రాసాడు:

కాలమునుబట్టి చూచితే మీరు బోధకులుగా ఉండవలసినవారై యుండగా, దేవోక్తులలో మొదటి మూల పాఠములను ఒకడు మీకు మరల బోధింపవలసి వచ్చెను. మీరు పాలు త్రాగవలసినవారే గాని బలమైన ఆహారము తినగలవారుకారు (హెబ్రీయులకు 5:12).

క్రీస్తుతో కూడా ఎదుగుటకు మనకు కావలసినది కేవలం సిద్ధాంతముల జ్ఞానము మాత్రమే కాదు, కాని మనము సాధారణ సైద్ధాంతిక విశ్వాసములను పంచుకొనునప్పుడు, మనము దేవుని రాజ్యమును మరింత ప్రభావంతముగా నిర్మించగలము.

అదే సమయములో, మంచివైన సిద్ధాంతముల అవగాహన పాలుపంపులను మెరుగుపరచగలిగియుండగా, సిద్ధాంతములపై అధికముగా దృష్టించడం వాస్తవంగా క్రైస్తవుల పాలుపంపులను అభ్యంతరపరుస్తుంది.

సంఘము యొక్క పలు శాఖలు తమ సముదాయ దృష్టిని వివిధ విషయముల మీద పెడతాయనే సత్యమును పరిగణించండి. సంఘము యొక్క కొన్ని విభాగాలు సమాజమునకు మూలముగా సామూహిక ఆరాధనపై దృష్టిస్తాయి. పంచాగములను అనుసరించు సంఘముల విషయములో ఇది ప్రత్యేకముగా వాస్తవము. ఇతర విభాగాలు నాటకీయమైన వ్యక్తిగత ధార్మిక అనుభవమును చూచి ఒకరితోనొకరు పోలికలను చూచుకోవాలనుకుంటారు. నశించుచున్నవారిని మార్చడానికి లేదా ఆత్మ యొక్క అసాధారణమైన వరములపై ఇవి తరచు దృష్టిస్తాయి. ఇంకను ఇతర విభాగాలు సమాజమును కనుగొనుటకు సిద్ధాంతము వైపు చూస్తాయి. వారు తీసికొనే వేదాంతపరమైన నిర్ణయాల ఆధారంగా తమ ఐక్యతను వారు ప్రధానంగా చూస్తారు.

ఇప్పుడు ఈ విధానములలో ప్రతిదానికీ వాటివాటి బలాలు ఉన్నాయి. కానీ ఒక్కొక్కదానికి బలహీనతలు కూడా ఉన్నాయి. నిజానికి, ఇతర సంఘములు అత్యంత ప్రాముఖ్యమైనవిగా భావిస్తున్న సంగతులపై అధిక దృష్టి ఉంచడం వలన సంఘములు అనేకమైన సమస్యలను నివారించవచ్చు.

సామూహిక ఆరాధనపై కేంద్రీకృతమౌవారు తరచు సిద్ధాంతమునకు మరియు వ్యక్తిగత ధార్మిక అనుభవమునకు కూడా అధిక దృష్టినివ్వాలి. ధార్మికమైన అనుభవాలపై కేంద్రీకృతమౌవారు సైద్ధాంతిక మరియు సామూహిక ఆరాధనా ఉద్ఘటనల మంచి పరిమాణములో వినియోగించుకోవచ్చు. మరియు నిజంగా, సిద్ధాంతములోనే తమ ఐక్యతను చూచే వారు తరచు ఆరాధన దిశలో మరియు వ్యక్తిగత ధార్మిక అనుభవము దిశలో చూచుటకు ఎక్కువ సమయమును కేటాయించాలి.

సమాజములోని పాలుపంపులకు వాస్తవముగా అవరోధమును కలిగించు విధముగా వేదాంతపరమైన సిద్ధాంతములను ఎక్కువగా ఉద్ఘాటించు సమస్యలోనికి పరిగెత్తేవారు ఈ ఆఖరు గుంపే. తమ సైద్ధాంతిక శుద్ధతలో పిడివాదంగా, సాంప్రదాయబద్ధంగా, అహంకారంగా మరియు ఆడంబరంగా ఉంటుంటారు. వారు ఎంత అహంకారం కలిగి ఉంటారంటే సైద్ధాంతిక శుద్ధతను మినహాయించి మరి దేనినీ కూడా వారు విలువగలదిగా చూడరు.

క్రీస్తు శరీరమును గూర్చి ఒక విషయమును గుర్తుంచుకోవాలని నేను అనుకొంటున్నాను. దేవుడు మనలో ప్రతివారికీ వివిధ సహజ వరములను మరియు వివిధ పరిశుద్ధాత్మ వరములను ఇచ్చాడు. ఈ వరములు మనలో కొందరిని క్రమబద్ధ వేదాంతశాస్త్రములోని తార్కిక దృక్పథాలకు ఆకర్షితులౌనట్లు చేస్తున్నాయి. మరియు మనలో కొందరు అట్టి సైద్ధాంతిక విషయాలలో తక్కువ ఆసక్తిగలవారిగా కూడా ఇవే చేస్తున్నాయి. ఒకడు సిద్ధాంతములు అనే మంచి విషయమును అధికముగా వెంబడించు వ్యక్తితో పోల్చితే మరింత తక్కువ ఆసక్తితో వెంబడించడమనేది తప్పు లేదా పాపము మాత్రము కాదు. సిద్ధాంతముపై మన ఆసక్తి యొక్క స్థాయి అనునది చాలాసార్లు మన వరము మరియు పిలుపునకు సంబంధించినది మరియు దీనిని మించి ప్రతి క్రైస్తవునికి ఇతర క్రైస్తవుల యొక్క అవసరత ఎంతో ఉంటుందని మనము గుర్తించుకోవాలి. సైద్ధాంతిక విషయములకు ఆకర్షితులైనవారికి ఈ విధంగా ఆకర్షితులవ్వని వారితో పని ఉంటుంది మరియు అలాగే వీరికి వారితో పని ఉంటుంది. మనము ఒక్కొక్కరినీ సమతుల్యపరచుచున్నాము; మనము సొంతంగా క్రీస్తు కొరకు జీవించలేని విధానాలలో ఇతరులు జీవించునట్లు సహాయపడుతున్నాము.

కానీ ఈ విధమైన సామాజిక పాలుపంపులు మరియు పరస్పర ఆధారత సైద్ధాంతిక శుద్ధతా విషయములను ఎక్కువగా ఉద్ఘాటించినప్పుడు అవరోధించబడతాయి.

క్రైస్తవ జీవనము మరియు సమాజములో పాలుపంపులకు సాంకేతిక పదాలు ఎలా సంబంధము కలిగియున్నాయో తెలుసుకున్న పిమ్మట, ఇప్పుడు మనము మూడవ ప్రధాన వేదాంత వనరును చూద్దాము: అది లేఖన వివరణ. క్రమబద్ధతలలో సైద్ధాంతిక చర్చలు బైబిలు యొక్క మన వివరణను ఎలా ప్రభావితము చేస్తాయి?

లోతైన వివరణ అనేది క్రైస్తవ వేదాంతశాస్త్రమును నిర్మించుటకు ప్రధానమైనది ఏలయనగా లేఖనములోని దేవుని ప్రత్యేక ప్రత్యక్షతను చూచుటకు ఇది ద్వారముగా ఉన్నది. లేఖనమును అనువదించుటలో సంఘమును పరిశుద్ధాత్ముడు నడిపించిన మూడు విధానాలను గూర్చి ఆలోచించుటకు ఇది సహాయపడుతుందని మరొక పాఠంలో మనము సూచించాము. ఈ విస్తృత వర్గములను మనము ఈ విధముగా పిలచాము: సాహిత్య విశ్లేషణ, చారిత్రక విశ్లేషణ మరియు అంశ విశ్లేషణ. మొదటిగా, సాహిత్య విశ్లేషణ లేఖనములను ఒక చిత్రముగా చూస్తుంది, అనగా తమ ప్రత్యేక సాహిత్య లక్షణాల ద్వారా అసలు పాఠకులను ప్రభావితం చేయడానికి దైవ ప్రేరణలో మానవ రచయితలచే రూపొందించబడిన ఒక కళాత్మక ప్రదర్శన. రెండవదిగా, చారిత్రక విశ్లేషణ లేఖనములను చరిత్రకు ఒక కిటికీగా చూస్తుంది, అనగా లేఖనములు నిష్కపటముగా నివేదించు పురాతన చారిత్రక సంఘటనలను చూచి నేర్చుకొనే మార్గము. మరియు మూడవదిగా, అంశ విశ్లేషణ లేఖనమును ఒక అద్దముగా చూస్తుంది, అనగా మనకు ఆసక్తికరముగానున్న అంశములను మరియు ప్రశ్నలను సమీక్షించుటకు మార్గముగా ఉన్నది.

అనువాదములోని ఈ ఆకృతులను మనస్సులో ఉంచుకొని, బైబిలు యొక్క మన వివరణను సిద్ధాంతములు ఎలా మెరుగుపరచగల మరియు అవరోధించగల మార్గములను అన్వేషించుదాము. సైద్ధాంతిక చర్చలు బైబిలును విశదపరచుటకు మనకు ఎలా సహాయపడగలవో మొదటిగా చూద్దాం.

క్రైస్తవ్యం యొక్క అనేక మూల సిద్ధాంతములు పూర్తిగా బైబిలులోనే బోధింపబడ్డాయి అని చాలా మంది క్రైస్తవులు ఎలా నమ్ముతున్నారో చూస్తే నాకు ఆశ్చర్యమేస్తుంది. సత్యము ఏమంటే, మన విశ్వాసమునకు అనేక మూల సూత్రములు నేరుగా లేదా ప్రత్యేకంగా బైబిలులో ప్రస్తావించబడలేదు.

ఒక సుప్రసిద్ధుడైన దైవసేవకుడు తన సంఘముతో, “బైబిలు నేరుగా మరియు బహిరంగంగా ఏమి బోధిస్తుందో దానినే మనం విశ్వసించాలి, దానిలో ఉన్నాయని మనము భావిస్తున్న భావములను కాదు” అని చెప్పడం ఒకసారి నేను విన్నాను. నా అనుభవములో, బైబిలు యొక్క అవ్యక్త బోధలమీదకంటే దాని యొక్క వ్యక్తబోధల మీదనే ఎక్కువ ప్రాధాన్యతను ఉంచాలి అని చెప్పడం క్రైస్తవులకు సహజం.

కాని మనమందరమూ జ్ఞాపకముంచుకొనవలసిన సమాచార నియమము ఒకట ఉంది: చాలాసార్లు, ప్రజలు నమ్మే అత్యంత మూలమైన విషయాలు ఎన్నడూ స్పష్టంగా వ్యక్తపరచబడినవి కావు. బదులుగా, అవి ఊహించబడినవి. వేరొక మాటలలో చెప్పాలంటే, ఒకరితో మనము సంభాషించిన ప్రతిసారీ, లేదా మనము ఒక లేఖ, లేదా పుస్తకము వ్రాసిన ప్రతిసారీ మన అత్యంత మూలమైన నమ్మకములను సాధారణంగా మనము స్పష్టముగా చెప్పము.

ఈ నియమమును గూర్చి ఒక క్షణం ఆలోచించండి. దేవుని మనుగడ యందు నేను విశ్వసించుచున్నాను అని కనీసం ఒక్కసారి కూడా ఈ శీర్షికలన్నిటిలో నేను చెప్పలేదు. ఎందుకని? ఆ నమ్మకము ఈ పాఠములకు ఎంతో మూలమైనది గనుక నేను దేవునియందు విశ్వాసముంచుతున్నానని మనమందరమూ ఊహిస్తున్నాము. ఈ పాఠములో బైబిలు అనునది దేవుని వాక్యము అనే విషయముపై నేను వాదించలేదు. ఎందుకని? ఎందుకంటే మన మధ్య అది ఊహించబడుతుంది. ఇవి మరియు ఇతర అనేక సత్యములు; నేను స్పష్టముగా చెప్పిన దానికి ఒక అవ్యక్తమైన మూలాన్ని ఇస్తున్నాయి.

అనేక విధాలలో లేఖనముల విషయములో కుడా ఇది నిజమే. వారు తెలియజేస్తున్న అత్యంత క్రమబద్ధ విషయములపై లేఖన రచయితలు స్పష్టంగా దృష్టి పెట్టరు. వారు స్పష్టముగా చెప్తున్న వాటి వెనుక ఆ సత్యములు దాగి ఉంటాయి. మరియు క్రమబద్ధ వేదాంతశాస్త్రము యొక్క ఉద్దేశములలో ఒకటి, మనము లేఖనములలో కనుగొంటున్న వాటికి గల సైద్ధాంతిక ఊహలను కనుగొనడం. ఉదాహరణకు, త్రిత్వముపై లేదా ఆయన ఒకే వ్యక్తిత్వములో క్రీస్తు యొక్క రెండు స్వభావాలు ఎలా పొందికకలిగి ఉంటున్నాయి అనే విషయముపై లేఖనములో ఎక్కడా కూడా స్పష్టమైన బోధ అనేది లేదు. ఈ రెండు సిద్ధాంతములు కూడా చారిత్రిక క్రైస్తవ్యమునకు బండగురుతులు. ఇవి మరియు క్రైస్తవ్యం యొక్క ఇతర అత్యంత ప్రాముఖ్యమైన బోధలు చాలావరకు బైబిలు పర్యంతం వ్యాపించియున్న బోధల తార్కిక భావనలపై ఆధారపడి ఉంటాయి. త్రిత్వము లేదా క్రీస్తు యొక్క స్వభావాలు అనే సిద్ధాంతములను క్రమబద్ధీకులు వృద్ధిపరచునప్పుడు, వారు బైబిలుకు జోడించుట లేదు, కానీ బైబిలు యొక్క ఉపరితలమునకు క్రింద అప్పటికే ఉన్న వాటిని స్పష్టపరచుటకు మాత్రమే వారు చూచుచున్నారు.

ఈ కారణముచేత, లేఖనము యొక్క భావములను గ్రహించుటకు కఠినమైన తార్కిక ఆలోచనను శతాబ్దాలుగా సంఘము ఉపయోగించుట ద్వారా సంఘము వృద్ధిపరచిన జ్ఞానముచే లేఖనమును గూర్చిన మన వివరణ గొప్పగా మెరుగుపరచబడుతుంది. లేఖనములు బోధించు అనేక విషయములను అవి విపులంగా తెలియపరచవు. మరియు ఈ అవ్యక్తమైన బోధలను బయలుపరచుటకు ఈ క్రమబద్ధ వేదాంతశాస్త్రము అత్యంత ఉపయోగకరమైన సాధనములలో ఒకటి.

క్రమబద్ధతలలో లేఖన వివరణకు సిద్ధాంతములు ఎంతటి విలువగలవైనప్పటికీ, లేఖనము యొక్క మన వివరణను అవి వాస్తవముగా అభ్యంతరపరచు అత్యంత ప్రాముఖ్యమైన మార్గములలో ఒకదానిని గూర్చి మనము హెచ్చరించబడాలి.

ఒక మాటలో, క్రమబద్ధ వేదాంతశాస్త్రములో సిద్ధాంతములకున్న అత్యంత గొప్పవైన ప్రమాదములలో ఒకటి ఊహాగానము. అనేకసార్లు మనము గమనించినట్లుగానే, ఆధునిక క్రమబద్ధ వేదాంతశాస్త్రము మధ్యయుగ శాస్త్రీయతత్వమునకు ఎంతో ఋణపడి ఉంటుంది. కానీ మధ్యయుగ శాస్త్రీయతత్వము యొక్క ముఖ్య లక్షణాలలో ఒకటి లేఖనము యొక్క బోధలను మించి మరింత ఉన్నతమైన సత్యములకు తార్కిక విశ్లేషణ సంఘమును నడిపించగలదు అనే ఊహ. మధ్యయుగ వేదాంతపండితులను నిమగ్నపరచిన ఊహాజనిక ప్రశ్నలలో ఒకదాని గూర్చి మనలో చాలామంది వినే ఉంటారు: “ఒక గుండుసూది తలపై ఎంతమంది దేవదూతలు నాట్యమాడగలరు?”

ఇప్పుడు ప్రొటెస్టెంట్ క్రమబద్ధతలు శాస్త్రీయతత్వ వేదాంతశాస్త్రమునకు ఎంతగానో ఋణపడి ఉన్నది గనుక, అది కూడా కొన్నిసార్లు ఊహాగానాలలోనికి దారితప్పుతూ ఉంటుంది. అది ఆలోచనలను కూడా అన్వేషించి దాని తేరుగడలు తార్కికంగా అనిపిస్తున్నందునే చాలా తక్కువైన లేదా పూర్తిగా బైబిలు మద్దతు లేని తేరుగడలకు దారితీస్తుంది.

ఉదాహరణకు, సాంప్రదాయిక క్రమబద్ధ వేదాంతశాస్త్రములో “లాప్సారియన్ క్వశ్చన్”గా పిలువబడే ఒక ఊహాజనిక విషయముపై గొప్ప వాగ్వాదాలు లేచాయని తెలిస్తే మీరు ఆశ్చర్యపడవచ్చు. సుప్రలప్సారియనిజం, ఇన్ఫ్రాలప్సారియనిజం, మరియు సబ్ లప్సారియనిజం లేదా ఇటువంటి వివిధ పదములను మీరు బహుశ వినే ఉండచ్చు. ఈ వివిధ వాదముల అనుచరుల మధ్య గంభీరమైన చర్చలు జరిగాయి. మరియు ఆ వాదము అంతయు ఈ ప్రశ్నపై ఆధారపడి ఉంది: “దేవుని నిత్య కట్టడలను ఏ తార్కిక క్రమములో మనము ఆలోచన చేయాలి?” అది నిజమే. దేవుని నిత్య కట్టడల యొక్క తార్కిక క్రమము – ఈ విశ్వము కొరకు ఆయనకున్న నిత్య ప్రణాళిక.

ఈ సమస్యను బైబిల్ కనీసం చర్చించుట కూడా లేదని ప్రతి ఒక్కరూ గుర్తించాలని నేను ఆశిస్తున్నాను. బైబిలు అసలు ఎటువంటి సమాచారమూ ఇవ్వలేనంతగా ఒక గొప్ప రహస్యముగా ఇది ఉంది. కానీ సైద్ధాంతిక చర్చలలో తార్కిక విశ్లేషణను గూర్చిన అత్యాశక్తిపూరిత ఆమోదము ఈ యొక్క మరియు ఇతర అనేక ఊహాగానాలకు దారితీయవచ్చు.

లేఖనము నుండి సిద్ధాంతములను వృద్ధిచేయుటకు తార్కిక విశ్లేషణను ఎలా ప్రయోగించాలో మనము తెలుసుకొనుచుండగా, ద్వితీయోపదేశకాండము 29:29లో మోషే మాట్లాడిన సుప్రసిద్ధ మాటలను జ్ఞాపకం చేసుకుంటే మనమంతా జ్ఞానులమౌతాము.

రహస్యములు మన దేవుడైన యెహోవాకు చెందును. అయితే మనము ఈ ధర్మశాస్త్ర వాక్యములన్నిటి ననుసరించి నడుచుకొనునట్లు బయలుపరచబడినవి యెల్లప్పుడు మనవియు మన సంతతి వారివియునగునని చెప్పుదురు (ద్వితీయోపదేశకాండము 29:29).

ఇవి గోప్యమైన సంగతులు, మనకు ప్రత్యక్షపరచబడని రహస్యములు. కాబట్టి, జాగ్రత్తపూరిత తార్కిక ఆలోచన మనలను తరచు ఊహాగానమునకు నడిపిస్తుంది. సైద్ధాంతిక చర్చల ప్రక్రియలో మనము లేఖనములను వివరిస్తుండగా లేఖనము వాస్తవముగా ఏదైతే బోధిస్తుందో దాని నుండి మనము మరీ ఎక్కువ దూరము వైదొలగి పోకుండునట్లు మనము జ్ఞాపకము చేసుకోవాలి. ఈ సిద్ధాంతమునకు బైబిలులోని ఏ ఆధారము మద్దతునిస్తుంది అని ప్రతీ అడుగులో మనలను మనము నిత్యమూ అడుగుకొనుచుండాలి. లేఖన మద్దతుకు తార్కిక ఊహాగానమును క్రమంగా ప్రతిక్షేపిస్తూ ఉంటే లేఖనము యొక్క వివరణ నిస్సందేహంగా అవరోధించబడుతుంది.

క్రమబద్ధ వేదాంతశాస్త్రములోని సిద్ధాంతములను మనము ఈ పాఠములో అన్వేషించాము. అవి ఏమిటో, అవి క్రమబద్ధ వేదాంతశాస్త్రములో ఎలా ఇమడతాయో చూసాము. సిద్ధాంతములు ఎలా ఏర్పడతాయి అని కూడా అన్వేషించాము మరియు అవి సమర్పించే అనేక విలువలను మరియు ప్రమాదాలను కూడా చూసాము.

క్రైస్తవులందరికీ వారివారి సిద్ధాంతాలు ఉన్నాయి. అవి వ్రాయబడినవి కావచ్చు లేదా మౌకికమైనవి కావచ్చు. శతాబ్దాలుగా క్రమబద్ధ వేదాంతపండితులు క్రైస్తవ సిద్ధాంతములను ఎలా ఏర్పరచారో నేర్చుకోవడం అనేది మనము నమ్ముతున్నదానిని మూల్యాంకనం చేయడానికి మరియు మనము దేవునిని, ఆయన ప్రజలను సేవిస్తుండగా దేవుని గూర్చిన మన జ్ఞానమును పెంపొందించుటకు అత్యుత్తమ మార్గాలలో ఒకటిగా ఉంది.