Mahitaji
Wacha tuone namna ya matatizo yanavyotokea wakati viongozi wa Kikristo hawajui mengi kuhusu Maandishi Matakatifu. Lakini katika makanisa yanayoongezeka kwa kasi, kuna wanaume na wanawake wachache walio tayari kuongoza Ufalme wa Mungu. Kufikia mwaka 2050 zaidi ya nusu ya Wakristo duniani wataishi Urusi, Amerika ya Kusini, na Afrika. Kati ya milioni 80 na 100 za Wakristo wanaishi China leo. Makundi ya Wakristo yanakua katika mataifa ya Kiislamu katika Mashariki ya Kati na kando ya Pwani ya Pasifiki. Lakini angalau milioni 2 za wasimamizi wa makanisa wanaofanya kazi nje ya Amerika ya Kaskazini hawana elimu ya Biblia na teolojia. Hili ni tatizo kubwa.
Kihistoria, kanisa limejaribu kutatua tatizo hili kwa njia hizi:
- Vileta Viongozi Magharibi
Lakini asilimia 10 tu ya viongozi hawa wanarejea katika nchi zao baada ya kumaliza masomo yao, na nusu tu ya hao wanabaki kwa zaidi ya miaka 5. Matokeo yake, mkakati huu huwanyima Wakristo katika ardhi nyingine baadhi ya viongozi wao bora. - Tuma Wamisionari kufundisha
Lakini leo, wamisionari wanabaki katika uwanja kwa wastani wa miaka 5 tu. Zaidi ya hayo, inachukua miaka kadhaa kujifunza lugha na utamaduni. Kwa hiyo, kipindi chao cha huduma nzuri ni kifupi sana. - Jenga Seminari
Lakini inakadiriwa kwamba hii ingechukua dola bilioni 15 za ziada kila mwaka kujenga na kudumisha taasisi hizi. Zaidi ya hayo, kama kila mtu aliyehitimu programu ya udaktari katika seminari ya Kiinjili alijiunga na wafanyakazi wa seminari ya kigeni, ingechukua zaidi ya miaka 100 kuwafunza wafanyakazi wa seminari za kutosha kukidhi mahitaji ambayo tayari yanawepo leo!
Suluhisho Letu
Mikakati ya jadi ni muhimu na inafaa kuendelea, ingawa inahitaji kufanywa upya na kuboreshwa. Lakini hata kama mikakati hii ingetekelezwa kikamilifu, mahitaji yako makubwa mno na hayawezi kutatizwa na mikakati hiyo pekee. Thirdmill inafanya kazi na jitihada za jadi, lakini pia ina njia mpya ya kukidhi mahitaji ya haraka ya viongozi waliofunzwa vizuri duniani kote.
Tunashambulia ulimwengu kwa elimu ya ki-multimedia, ya kiwango cha uzamili kwa viongozi wa Kikristo. Masomo yetu hutumika kupitia chapa, sauti, intaneti, video ya DVD (agizo maalum), pamoja na matangazo ya radio na televisheni ya satellite.
Katika siku zetu, je, kuna kitu chochote muhimu zaidi ya elimu ya Biblia kwa dunia bure?
Jina Letu
Thirdmill ilianzishwa mwaka 1997 kama Third Millennium Ministries, Inc. Ukristo ulikuwa unakaribia kuingia katika mileniumu yake ya tatu mwaka 2001 (milenia ya tatu ya maadhimisho ya kuzaliwa kwa Kristo). Tukitambua kwamba mileniumu ya tatu ingeleta changamoto mpya na za kusisimua katika kuendeleza ufalme wa Kristo, tulichagua jina hili kama njia ya kuangazia tatizo linaloongezeka linalowakabili Wakristo katika mileniumu mpya: ukosefu wa mafunzo kwa viongozi wa kanisa wakati kanisa linakua duniani kote. Kama jibu kwa mahitaji haya makubwa, Thirdmill huleta suluhisho kali: Elimu ya Biblia. Kwa Dunia. Bila Malipo.