FA-01 Maisha ya Ibrahim: Muundo na Maudhui

Sote tunafahamu kuwa kuna tofauti nyingi miongoni mwa mataifa hapa duniani. Kila taifa lina jiografia yake, jamii yake na tamaduni za kipekee. Lakini kuna jambo moja ambalo kw kawaida linafanana katika nchi nyingi: sote tuna hadithi ya kipekee ya jinsi mataifa yetu yalivyoanza. Wengi wetu tunapenda kusikia kuhusu jinsi watu walioanzisha nchi zetu walivyojitoa mpaka kupata mafanikio. Na tunaimba nyimbo za kusifu ushujaa wao. Swali la msingi ni, kwanini tunatunza na kutangaza habari hizi za asili mara kwa mara? Kwanini jambo hili ni muhimu karibu katika kila utamaduni wa mwanadamu?

Zipo sababu kama mbili hivi za kufanya hivyo. Kwanza, tunazungumzia asili ya mataifa yetu ili kuyaendeleza mawazo na mambo yaliyopita. Tunataka watoto wetu wakumbuke asili zao, na wapi walikotoka. Lakini kwa upande mwingine, tunataka pia tukumbuke maadili yaliongoza mataifa yetu wakati uliopita ili tuweze kupata mwelekeo wa wakati ujao.

Hali kadhalika, hii ilikuwa kweli kwa watu wa Mungu pia katika Agano la Kale. Waisraeli wa kale walitunza historia kuhusu mwanzo wao na kuziendeleza kizazi hadi kizazi kwasababu hizo mbili. Walitunza historia kuhusu siku za mababu zao, na kuyakumbuka matukio ya zamani ili mafanikio makubwa yaliyopita yasisahaulike. Lakini pia walizisimulia habari hizi zilizopita kutoka kizazi hadi kizazi ili kujikumbusha ni upande gani wanapaswa kuelekea kwa wakati ujao.

Hili ni somo letu la kwanza katika mfululizo wa masomo yahusuyo, Baba . Katika mfululizo huu tutachunguza simulizi ambazo Waisraeli wa Kale walizisimulia kuhusu , baba yao mkuu. Na pia tutaona kuwa Musa aliandika habari hizi katika kitabu cha Mwanzo ili Waisraeli katika siku zao waweze kukumbuka yaliyopita, na kwa hiyo waweze kuuelewa kwa wazi zaidi wakati ujao ambao Mungu alikuwa nao katika mawazo yake kwa ajili yao.

Hili ni somo la kwanza kati ya masomo matatu katika mfululizo huu, na tumeliita, “Maisha ya : muundo na yaliyomo”. Katika somo hili tutaanza na maelezo ya jumla ya maisha ya kwa kuangalia kwa makini muundo na yaliyomo katika sura za kitabu cha Mwanzo ambazo zinazungumzia kumhusu yeye. Ni jinsi gani Musa aliunda habari za maisha ya ? Ni mambo gani ambayo ni makuu na muhimu katika sura hizi?